影片
更多
2021-11-28
2453 瀏覽
見openrice咁多好評，0負評，就揀左呢間慶祝生日，點知係中伏嘅開始⋯⋯當日lunch揀左兩款omakase, 一款連加一 $1428，一款$878，兩款相差過$500，但分別只係蝦品種，貴set左口魚係群邊另一款只係魚身肉，貴set再多一份烤魚認真講⋯接近$900份set真係連左口魚群邊都俾唔到？sushiro都係$12@2件🙈當日最嚇人嘅操作係日本師傅會將所有刺身切好晒放喺木板交俾徒弟， 大家可以想像到到食完果時，有啲魚生就放喺室溫成個鐘 唔通熊本omakase自成一家？我食過咁多omakase, 師傅都係上嗰一款先會拎魚生出嚟切，保持新鮮同溫度，今次真係《大開眼界》另外lunch收得$1428@ 竟然完全冇問客人有冇乜嘢唔食⋯⋯我要自己提另一個驚嚇位係，活亦貝竟然係切好晒放喺雪櫃就咁拎出嚟⋯😱 呢個餐嘅重點菜式係海膽，海膽份量的確夠多放喺炸紫菜上面，但係紫菜炸完之後油味好重⋯夾埋一齊食令海膽嘅鮮味大減🥲 另外一個過分位就係個甜品，極普通嘅綠茶雪糕，仲要應該雪藏得唔好，有啲碎冰⋯另外一款係兩粒厥餅，非常粗糙偏濕， 食到尾我真係懷疑自己去咗啲平價壽司舖食😕 作為同朋友慶祝嘅生日餐
當日lunch揀左兩款omakase, 一款連加一 $1428，一款$878，兩款相差過$500，但分別只係蝦品種，貴set左口魚係群邊另一款只係魚身肉，貴set再多一份烤魚認真講⋯接近$900份set真係連左口魚群邊都俾唔到？sushiro都係$12@2件🙈
當日最嚇人嘅操作係日本師傅會將所有刺身切好晒放喺木板交俾徒弟， 大家可以想像到到食完果時，有啲魚生就放喺室溫成個鐘 唔通熊本omakase自成一家？
我食過咁多omakase, 師傅都係上嗰一款先會拎魚生出嚟切，保持新鮮同溫度，今次真係《大開眼界》
另外lunch收得$1428@ 竟然完全冇問客人有冇乜嘢唔食⋯⋯我要自己提
另一個驚嚇位係，活亦貝竟然係切好晒放喺雪櫃就咁拎出嚟⋯😱
呢個餐嘅重點菜式係海膽，海膽份量的確夠多放喺炸紫菜上面，但係紫菜炸完之後油味好重⋯夾埋一齊食令海膽嘅鮮味大減🥲
另外一個過分位就係個甜品，極普通嘅綠茶雪糕，仲要應該雪藏得唔好，有啲碎冰⋯另外一款係兩粒厥餅，非常粗糙偏濕， 食到尾我真係懷疑自己去咗啲平價壽司舖食😕 作為同朋友慶祝嘅生日餐廳，我好後悔亦覺得自己揀得好差！ 以後食omakase, 建議大家都係去中上環灣仔！
成餐飯只係開頭嘅生蠔，茶碗蒸算係好食⋯ 其餘嘅所有嘢，真係搵唔到優點， 極失望嘅一餐
**反而平lunch set, 個師傅係即時整，新鮮好多，起碼唔洗好似omakase食到尾啲魚生係室溫 暖暖地🤫
放室溫的魚生😵
25 瀏覽
0 讚好
0 留言
張貼
