小鍋霸 (新都城中心二期) (已結業)

睇食評知道將軍澳有間不限時火鍋叫小鍋霸，食物質素唔錯而且服務周到，所以去試下。今次order咗美國Prime Grade極上牛頸脊及西班牙伊比利亞黑毛豬套餐，湯底揀咗田園蕃茄濃湯牛肉涮涮鍋，好鮮蕃茄及濃沃的牛肉味道而且材料十足。火鍋食材我哋亦 order 大量的極上牛頸脊及黑毛豬肉，超有牛味及脂肪分布平均，芝士腸係我哋火鍋必叫，鵪鶉蛋亦唔係好多地方有得叫，蛋香味濃。海鮮有蝦及帆立貝，好大隻又夠海洋味，花枝丸、牛栢葉同埋蟲草花滾熟後吸晒湯底嘅鮮味，再加上本身食材嘅質素，好好味。冬菇、金菇菜、鮮枝竹同樣好fresh，啱哂唔太食肉嘅朋友。出前一丁係必選，因為吸哂湯內所有食材精華，寧舍好味。由於無限時間的關係，我哋可以盡情享用，任食任傾。飲品揀左凍柑桔檸檬及凍黑糖冬瓜茶，又解熱氣又解渴。甜品有Movenpick意式朱古力碎雪糕及Dreyer's士多啤梨扭紋脆筒，好低食。