SAVVY

【極尚海鮮自助餐5折】．勁靚聖誕甜品區．呢間自助餐應該係我去過之中，坐得最舒服環境最闊落嘅一間。回本位一定係凍海鮮，呢個極尚海鮮盛宴係逢星期五先有供應，包括有龍蝦、雪蟹、小龍蝦，同埋最重要嘅阿拉斯加帝王蟹！全部都係任食。帝王蟹腳已經斬好晒一段一段，用筷子輕輕篤出嚟就食得，啖啖肉。日式刺身係會放晒喺個大拼盤上面，好少見呢種方式，質素都唔錯。呢個聖誕甜品區靚得超誇張！勁有心思，每款甜品都充滿聖誕氣息，旁邊仲有個朱古力噴泉區。熱葷區有燒澳洲牛肉，仲有烤連骨火腿。同埋呢度會有比較多亞洲菜式，印度同泰式嘅食物水準好高！去到尾聲仲有專人逐枱逐枱整朱古力脆皮雪條，可以自己揀唔同嘅topping。🎄官網預訂5折優惠周五極尚海鮮盛宴 6:30pm – 9:00pm折後連加一：$546/位