影片
更多
2024-10-21
922 瀏覽
同朋友book左食午市既2小時大閘蟹放題，1.坐低時已即時order左大閘蟹，預佢20-30分鐘會送黎，點知等左50幾分鐘都未有，再去催問先有。2.入座時冇比任何食大閘蟹既工具我地，到上左大閘蟹時依然冇人比食蟹工具同蟹醋我地，問黑衫酒樓職員拎，佢拎到黎既數量又唔夠我地用，再要求佢補返比我地酒樓職員就發脾氣話：冇啦，比得你就係得呢份！ 因為冇工具食唔到，堅持同佢拗左陣先話等陣搵人拎比我地。最後係我地問左另一個望落正常少少既職員拎，佢就即刻搵人拎左比我地。3.因為第一輪既大閘蟹等左差唔多成個鐘先比到我地，導致我地夠鐘時仲有唔少蟹未食完。有個黑衫既中年男人職員黎收錢時就指住我地盤蟹，話：你地咁樣唔得囉，咁樣唔係食兩個鐘，而係食3個鐘！我解釋話因為你地第一轉蟹等左成個鐘先比到我地所以先咁，佢就燥底冇應走開左。最後我地超chur咁食埋剩低既蟹，亦都冇食3個鐘先走。4.每次同黑衫果個中年男人職員order小食，佢都會話等陣會送過黎比我地，但就一樣都冇送到過黎，中途催問佢都係一樣既回答，最後都係冇送到過黎。5.酒店冇提供工具（例如膠桶）比我地放食完既蟹殼，我地自己執左d空碟出黎放。有個紮髻肥肥地負責
1.坐低時已即時order左大閘蟹，預佢20-30分鐘會送黎，點知等左50幾分鐘都未有，再去催問先有。
2.入座時冇比任何食大閘蟹既工具我地，到上左大閘蟹時依然冇人比食蟹工具同蟹醋我地，問黑衫酒樓職員拎，佢拎到黎既數量又唔夠我地用，再要求佢補返比我地酒樓職員就發脾氣話：冇啦，比得你就係得呢份！ 因為冇工具食唔到，堅持同佢拗左陣先話等陣搵人拎比我地。最後係我地問左另一個望落正常少少既職員拎，佢就即刻搵人拎左比我地。
3.因為第一輪既大閘蟹等左差唔多成個鐘先比到我地，導致我地夠鐘時仲有唔少蟹未食完。有個黑衫既中年男人職員黎收錢時就指住我地盤蟹，話：你地咁樣唔得囉，咁樣唔係食兩個鐘，而係食3個鐘！
我解釋話因為你地第一轉蟹等左成個鐘先比到我地所以先咁，佢就燥底冇應走開左。最後我地超chur咁食埋剩低既蟹，亦都冇食3個鐘先走。
4.每次同黑衫果個中年男人職員order小食，佢都會話等陣會送過黎比我地，但就一樣都冇送到過黎，中途催問佢都係一樣既回答，最後都係冇送到過黎。
5.酒店冇提供工具（例如膠桶）比我地放食完既蟹殼，我地自己執左d空碟出黎放。有個紮髻肥肥地負責收碟既呀姐黎一野收左隻我地未放滿既碟，我地拉住左佢要求佢唔好收因為隻碟未放滿，佢都唔理死都要收，同埋唔肯比返隻新碟我地放殼。
6.食野途中超多蟲仔圍住d野食飛黎飛去，無數隻飛飛下掂到d醬油碟同野食d醬就jam住/浸死左，我地全程一路撥走佢地同禁死佢地都係源源不絕有新既飛過黎。
總結：呢間野d服務態度係想趕客，d蟹又唔係話超好食，服務態度極差，d職員又唔可以正常溝通，連基本既要都唔肯提供比客人，衛生狀況又差，想開心食大閘蟹千期唔好揀呢間，唔會再黎光顧。
張貼