樸生•素食 (已結業)

今日一行7人（三大四細），食物一般，唔覺得特別好食，但十幾個員工冇一個有笑容，零禮貌，尤其2位高級員工都係，未試過感覺咁差😡入座前已經知只得1.5小時，咁冇問題，大部分餐廳繁忙時間係咁，所以我地食完咪即點甜品食囉，高級哥仔落單，但我成枱野食食完冇幫我執枱，15分鐘之後我自己再叫人執枱，然後追返個雪糕甜品（搵反同一個落單嘅高級哥仔），佢見我追佢，只係響我隔離一路行去第二張枱一路答我一句：「整緊」，我地三個大人即刻O咀，感覺極差！之後再過10分鐘我追另一位員工，佢就叫我等等check下先，但3分鐘唔夠另一位高級亞姐好冇禮貌咁同我講：「你地用餐時間過咗1.5鐘喎，要還枱」我即刻同佢講，我追咗你地個甜品幾次，仲未黎喎！之後位亞姐即刻𨍭身走咗去門口，由於我太嬲，所以我即刻同個員工講，我取消個甜品，埋單，2位亞哥亞姐一副懶理態度，絕對冇覺得唔好意思😡😡😡*高級亞哥亞姐著住綠色外套，同其他員工唔同*