影片
更多
2018-09-20
252 瀏覽
是咁的，聽係機場做野既朋友推介，又次次見呢間茶記有人排隊食，就滿心期待黎試下。嘩！係機場食野咁多次，未試過可以一次過滿足哂垃圾服務同味道呢兩個願望...（落單）我地：要F餐牛脷意粉（指住餐牌F餐）姨1號: okay 牛意我地：再要廈門米姨1號：得（送上蕃茄牛肉片炒意粉）我地：下我地叫F餐wor 姨2號：咩呀單寫住G餐蕃茄牛肉片炒意粉我地：但我地真係叫F餐牛脷意粉，唔想食蕃茄牛肉片炒意粉wor 姨2對姨1: 喂你落錯單呀 （兩個開始推黎推去）姨1: 咩呀同你地對左單嫁wor （完全冇想換返既意思，係咁想放低就算）我地：係呀，F餐牛脷意粉嘛姨1: 我冇錯嫁，係你地講錯我地：F餐同G餐都搞得錯？我地講得好清楚wor 姨1: 你要F餐既話一定要講個焗字嫁嘛，唔係點知係牛脷意粉呀我地：（既然你咁無賴既野都講得出，唔想嘈）算啦你放低啦姨1: 係呀你地講得唔清楚嘛唔係我落錯單嘛下次一定要講全名一定要講焗字嫁我同你對單又話係依家又話錯咁點呀姨2: 係囉d客成日都係咁呀上次我同xxx (下刪一萬字俾佢地兩條友教訓，X! 早知唔接受碟野，依家仲變左我地錯，勁！）意粉炒到碎哂爛哂，係好cheap + ove
嘩！係機場食野咁多次，未試過可以一次過滿足哂垃圾服務同味道呢兩個願望...
（落單）
我地：要F餐牛脷意粉（指住餐牌F餐）
姨1號: okay 牛意
我地：再要廈門米
姨1號：得
（送上蕃茄牛肉片炒意粉）
我地：下我地叫F餐wor
姨2號：咩呀單寫住G餐蕃茄牛肉片炒意粉
我地：但我地真係叫F餐牛脷意粉，唔想食蕃茄牛肉片炒意粉wor
姨2對姨1: 喂你落錯單呀 （兩個開始推黎推去）
姨1: 咩呀同你地對左單嫁wor （完全冇想換返既意思，係咁想放低就算）
我地：係呀，F餐牛脷意粉嘛
姨1: 我冇錯嫁，係你地講錯
我地：F餐同G餐都搞得錯？我地講得好清楚wor
姨1: 你要F餐既話一定要講個焗字嫁嘛，唔係點知係牛脷意粉呀
我地：（既然你咁無賴既野都講得出，唔想嘈）算啦你放低啦
姨1: 係呀你地講得唔清楚嘛唔係我落錯單嘛下次一定要講全名一定要講焗字嫁我同你對單又話係依家又話錯咁點呀
姨2: 係囉d客成日都係咁呀上次我同xxx
(下刪一萬字俾佢地兩條友教訓，X! 早知唔接受碟野，依家仲變左我地錯，勁！）
意粉炒到碎哂爛哂，係好cheap + overcooked 既意粉，加上好假既鮮橙色汁，人間極品！
（送上一碟灰黑色炒米粉）
嘩，我太耐冇食廈門米？唔係橙色嫁咩？
重點係有好重既燶味，大半碟都係黑色/灰色。
垃圾，好垃圾，食物垃圾態度垃圾，完全唔明點解仲有人食。
送上美圖兩張
垃圾
15 瀏覽
0 讚好
0 留言
14 瀏覽
0 讚好
0 留言
張貼
