紅館

打算慶祝週年紀念，聽到好多人介紹呢間見做緊promotion 就試吓,唔試唔知，一試就知瀨嘢。講下環境先，環境無乜特別，平凡既裝修,projetor 就一直播住啲無謂既windows default 相，氣氛同太子酒吧街差唔多。講service, 待應上菜似茶記 掉低就算 完全無介紹（連上咩都無講），收碟就似酒樓疊埋收。講野食，一個字講晒，伏。叫左699 set for 21. 青木瓜沙律+$28 and hams with melon, 無特別 門面野。2.蘑菇湯，蘑菇blend得太碎完全無口感+調味咸。3.Main dish 油封鴨有驚喜，反而羊鞍+$48 完全失望陣味似波仔咖哩牛腩完全蓋過羊肉既香味 薯仔紅蘿蔔成灘野口感完全一致，調味極之重手 只有咸味。4.冬陰功雞胸意粉，聞落香茅味好重反而食落無乜味 調味較輕手，雞胸肉慢煮過 唔柴有汁。5.最後甜品，提子芝士撻，撻底一睇就知係訂貨野 但芝士內涵唔錯 幾香，芒果拿破崙，三塊蘇皮都淋哂，簡單吉士醬+小小小小芒果，無乜誠意。總括然而，價錢埋單853兩位，知道係中環絕對說唔上貴，但同價錢好過佢既餐廳絕對通街都係。