影片
更多
2021-11-22
3774 瀏覽
一入門口坐下，純粹問吓侍應有冇大閘蟹，女侍應即拎幾隻出嚟，話八兩半出面冇架，1500蚊一隻。 我同朋友，兩個細食的女仔,；只想輕輕地食個午餐, 就問佢 ：有冇細隻啲嘅蟹？招呼我哋那位小姐即答 ：冇！咁我哋禮貌地話唔使喇，佢即睇你唔起白鴿眼，轉身走開。佢叫另一個中年阿叔嚟招呼我哋。咁我哋就叫個前菜（海蜇），再叫一個餸（松子魚），之後諗住炒碟粉麵；問中年侍應：點解搵唔到粉麵飯嘅？侍應叔叔即用輕佻的態度話：有呀蟹粉炒麵啦！咁我同朋友見又唔想食蟹粉炒麵, 就話咁有冇炒年糕？佢答：餐牌冇, 不過廚房有嘅,百零蚊碟啫！終於我哋叫 炒年糕+松子魚+海蜇，佢竟然話 ：吓？叫咁少？我唯有答佢：我哋平時午餐食沙律㗎都飽, 所以夠㗎喇。D侍應服務態度差到呢...即刻想起劉德華嗰句：今時今日咁嘅服務態度, 係唔得嘅！ 呢間舖頭淨係識一味狂sell你叫貴餸菜，你唔落搭就輕佻對待你。到侍應上菜，就完全明白，點解佢質疑我哋要咁少。因為啲餸菜全部係出面正常size的一半， 但價錢呢，就係出面正常價錢的雙倍以上，完全係貴得不合理。香港人識飲識食，貴嘢邊個未食過，但貴得嚟唔值就係一個問題。嗰一刻諗：如果我係外國遊客, 一
佢叫另一個中年阿叔嚟招呼我哋。咁我哋就叫個前菜（海蜇），再叫一個餸（松子魚），之後諗住炒碟粉麵；問中年侍應：點解搵唔到粉麵飯嘅？侍應叔叔即用輕佻的態度話：有呀蟹粉炒麵啦！咁我同朋友見又唔想食蟹粉炒麵, 就話咁有冇炒年糕？佢答：餐牌冇, 不過廚房有嘅,百零蚊碟啫！終於我哋叫 炒年糕+松子魚+海蜇，佢竟然話 ：吓？叫咁少？我唯有答佢：我哋平時午餐食沙律㗎都飽, 所以夠㗎喇。
D侍應服務態度差到呢...
即刻想起劉德華嗰句：今時今日咁嘅服務態度, 係唔得嘅！
呢間舖頭淨係識一味狂sell你叫貴餸菜，你唔落搭就輕佻對待你。
到侍應上菜，就完全明白，點解佢質疑我哋要咁少。因為啲餸菜全部係出面正常size的一半， 但價錢呢，就係出面正常價錢的雙倍以上，完全係貴得不合理。
香港人識飲識食，貴嘢邊個未食過，但貴得嚟唔值就係一個問題。
嗰一刻諗：如果我係外國遊客, 一定對香港印象好差。
而舖頭環境呢，非常殘舊，似40年前嘅茶樓，冇錯，係“殘舊”, 唔係懷舊！
由於我哋唔知佢原來中午只開12-2,我哋1：20分坐低,食到接近兩點,佢立即攞張單嚟,叫我哋埋咗佢。然後就拉開屏風板，跟住仲熄燈添。
我同朋友唯有匆匆埋咗呢7百幾蚊單走囉，仲慘過去飯堂食飯。
回頭一想，執番身彩，好彩冇叫$1500一隻的大閘蟹, 否則邊夠時間食？
張貼