時新漢堡飽 (已結業)

.《時新漢堡飽》Chill Fat推介：🌕🌕🌑🌑🌑（5🌕最高）我好少寫伏Post，但係今次忍唔住！上星期同友人經過黃埔就諗起時新搬咗嚟呢度附近，所以心思思想試下，睇吓同以前有咩分別，點知就係回憶幻滅嘅開始….一入到餐廳感覺已經吾係太好，個地下有啲痴笠笠，成間餐廳入面充斥着好大陣油耗味，油煙控制麻麻地…雙層芝士蛋漢堡 $39漢堡包入邊嘅食材應該全部都煎定先包括塊漢堡扒，因為全部嘢食唔使兩分鐘就到咗我手，食落去入邊唔係太熱同埋根本冇肉汁，連塊芝士都唔識溶，同以前舖頭好大出入…炸雞全翼 $28同樣情況炸定先，雞全翼返咋又唔夾好啲又整到成個點都係油浸於隻雞翼，調味偏鹹，真心麻麻..炸薯條 $24真心吾熱，你做得快餐店，炸定絕對無問題，你點樣去保溫先係問題，食咗幾條就冇食…總結：好似浪費左成嚿水同我個胃咁，我接受舊舖搬新鋪因為成本問題而加價，但係可唔可以將啲食物質素保持住話晒都叫本土漢堡包始創者，舊鋪即使幾迫幾細都好，起碼出品都叫新鮮熱辣，加油啦！