華香雞 (已結業)

上星期跟同事出去食個lunch, 話觀塘新開左華香雞咪走去試下新野，點知係一個伏😨！我地去到搵左個位坐，叫左個午市套餐，紅酒🍷牛尾飯同燒汁金沙骨飯！本來唸住黎食招牌華香雞點知賣晒，有冇搞錯😤😤點知呢間野新開七國咁亂，侍應又唔知邊張打邊張檯，廚房又多單做唔切，明知午市一定多人架啦！催單N次，我地足足等左40分鐘紅酒牛尾飯先到，個牛尾都幾入味，好唸，配白飯幾好！而同事叫個燒汁金沙骨一黎到擺明係排骨咁款，排骨味道好一般冇咩特別，都食剩左1/3已經唔想食，廚師話係金沙骨，真係當我地傻架咩！😤😤😤唔會再黎幫襯，冇下次！上菜又慢，野食麻麻！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊