金滿庭京川滬菜館 (利東街)

營業中

休息中

今日屋企人生日，諗住試下新嘢。平時經過見到，覺得貴，所以無嚟過食。點知一食，唉，真係好伏，食物質素極差。我本身無諗過要寫呢個食評，食完一道又一道，發現無一道係好食先決定要寫。所以啲相係食到一半先影，實在唔好意思。叫咗松子魚。一嚟到，就知大獲。竟然係用三色豆…個汁仲稠到好似鼻涕咁傑！成件事低劣好多宮保蝦球。個蝦本身無乜嘢但個炸漿就好有問題！炸漿淋哂，唔新鮮，似係一pat嘢放入口上海粗炒。個粉硬到要咬好耐先吞到。成餐唯一好食嘅嘢係個茶。桂花茶好香，職員都會時不時幫你斟。不過可能忙得滯職員們普遍嘅語氣都比較差。總結，真心好失望，貴得嚟唔好食先攞命。奉勸大家千祈唔好嚟食。