影片
更多
2023-12-17
1013 瀏覽
呢間嘢本身間中都會去下，因為味道係唔錯。亦都介紹咗好多屋企人同朋友去食。但今日特登由荔枝角行到過去，全間嘢紅A膠櫈要搭枱坐得逼夾已經唔在講，一坐低就問食乜，問咗兩三次。我坐都未坐定，你問乜鬼嘢啫！好啦，落單叫咗碗炸醬雞肉腩肉米線，本身好肚餓，所以好期待。一上到黎，夾起一舊腩肉，全舊都係肥肉！！！拎第二舊睇，九成都係肥肉，第三舊都係九成肥肉，第四舊100%肥肉！另外兩舊係正常嘅五花腩。因為嗰四舊肥肉真係完全食唔到，所以叫咗阿姐過嚟問吓可唔可以換俾我。正常係醒目嘅即刻入廚房求其煮熟4舊腩肉就換俾我啦！點知嗰個阿姐話：係咁㗎喎，你落單嗰陣又唔講，你要講明係要瘦腩肉呀嘛，如果唔係就係咁樣隨機抽㗎喇！我係咁啤住佢，擺明好唔接受佢呢個答案！但係佢完全冇愧疚咁樣行開咗！喂大佬，阿姐你知唔知咩叫腩肉啊？你嗰幾舊係叫做肥肉，唔係叫做腩肉啊！你自己叫腩肉，會唔會expect全舊都係肥肉呀？聽完佢咁樣解釋真係火都嚟，但係好地地食餐飯，真係唔想搲爛塊面同佢喺度嘈！同埋個阿姐俾得啲咁嘅答案，好明顯我都已經唔係第一個啦。講多都嘥氣跟住我拎咗隻匙羹，將嗰4舊超級肥根本食唔到嘅腩肉排晒喺度！全餐飯根本背脊骨落，好似俾
但今日特登由荔枝角行到過去，全間嘢紅A膠櫈要搭枱坐得逼夾已經唔在講，一坐低就問食乜，問咗兩三次。我坐都未坐定，你問乜鬼嘢啫！
好啦，落單叫咗碗炸醬雞肉腩肉米線，本身好肚餓，所以好期待。一上到黎，夾起一舊腩肉，全舊都係肥肉！！！拎第二舊睇，九成都係肥肉，第三舊都係九成肥肉，第四舊100%肥肉！另外兩舊係正常嘅五花腩。因為嗰四舊肥肉真係完全食唔到，所以叫咗阿姐過嚟問吓可唔可以換俾我。正常係醒目嘅即刻入廚房求其煮熟4舊腩肉就換俾我啦！
點知嗰個阿姐話：係咁㗎喎，你落單嗰陣又唔講，你要講明係要瘦腩肉呀嘛，如果唔係就係咁樣隨機抽㗎喇！我係咁啤住佢，擺明好唔接受佢呢個答案！但係佢完全冇愧疚咁樣行開咗！
喂大佬，阿姐你知唔知咩叫腩肉啊？你嗰幾舊係叫做肥肉，唔係叫做腩肉啊！你自己叫腩肉，會唔會expect全舊都係肥肉呀？
聽完佢咁樣解釋真係火都嚟，但係好地地食餐飯，真係唔想搲爛塊面同佢喺度嘈！同埋個阿姐俾得啲咁嘅答案，好明顯我都已經唔係第一個啦。講多都嘥氣
跟住我拎咗隻匙羹，將嗰4舊超級肥根本食唔到嘅腩肉排晒喺度！全餐飯根本背脊骨落，好似俾人呃咗一味餸咁樣！
到我走嗰陣真係好冇禮貌咁樣將啲錢掉喺老細面前就走，因為呢餐飯真係令我對呢間嘢好失望！我去譚仔食，人哋啲腩肉一定會係五花腩，就算肥啲，我都清清楚楚見到係五層！蒜泥白肉就係薄啲，不過人哋全部都係五花腩，都唔會無啦啦一舊肥肉咁樣俾你。
我係叫腩肉，唔係叫肥肉，一間正常嘅食肆係冇理由將啲下欄嘢照攞出嚟賣！仲要同我講咁樣係好正常！
如果個阿姐或者個老細同我食晒嗰四舊肥肉佢，或者我條氣會順啲！
呢間嘢我會叫晒我身邊啲人唔好去，唔係好唔好食嘅問題，係衰格！
$47
25 瀏覽
0 讚好
0 留言
炸醬腩肉雞肉米線
$47
37 瀏覽
0 讚好
0 留言
26 瀏覽
0 讚好
0 留言
張貼
