華園腩餃專門店 (已結業)

留意到長沙灣工廠區開左間新嘅餐廳有個幾月，門面都唔錯，食物相片頗吸引，今日終於試左。 叫左個古法牛雜河（算係果度招牌菜）， 份量算適中， 但味道極度普通，湯底無味，牛雜亦都唔入味！ 可以講，是但係街邊買嘅牛雜都好味好多。 另外加左杯凍奶茶， 堂食但係係用外賣紙杯，個外賣紙杯好軟，大力啲都驚整爛。杯奶茶無茶味，真係非常普通！同場有朋友試左油渣麵同埋雞翼腸仔飯同其他嘢食，都覺得非常一般，一致認為唔會再幫襯。一碗河粉加杯嘢飲要56蚊， 有辣菜𦡮但加一細碟要8蚊， 辣椒油果啲都要特登問職員攞先有！ 同埋果度冷氣唔夠，舖頭無咩人都覺得好熱！ 講真，真係唔值呢個價，可以講係不可一，不可再！