影片
更多
2011-09-06
508 瀏覽
好朋友即將離港工作, 大伙兒正打算替愛吃火鍋的他好好辦一場歡送會, 聽說壹樓火鍋味道不錯, 便去試試.講真，論環境，論食物，呢度都算係咁，個牛肉拼盤乜都有，牛脊、牛筋、香得黎又唔韌，個牛栢葉淥五秒就食得，又爽又脆，桶蠔就少左D，百幾蚊得四隻，但勝在夠大件，而個wasabi蝦滑夠新鮮感，淥熟左仍然感受到個隻刺鼻的清新，如果要我只論食物，呢度可能係港島最好味的火鍋店。但係，呢度的服務態度真係差到無人有！我係第一個到的, 同門口的哥哥仔講話我地訂左枱, 十幾人, 佢一句'請跟我入黎' 都唔講, 就自己轉身入去, 算; 之後我的朋友來到, 我地問佢地有冇杯, 問左幾次, 佢地一個剷短髮, 女侍應同我地講; '唔係冇, 係未拎黎啫', 都算;酒過三巡, 我地一班朋友興致有點高, 吵了點, 但當中都有人會'殊', 驚嘈親隔離, 點知呢個女侍應過黎不斷俾說話我地聽:'喂, 呢度唔係酒吧呀!''隔離枱投訴, 你無謂要我遷怒你地吖!'到最後, 當晚主角忍唔住窒佢一句:' 喂, 你知唔係我地係客呀!'呢個侍應竟然指住我個朋友, 大嗌' 你同我出黎! 我好聲好氣, 你竟然用粗口鬧我?'最好笑既係, 之後全店
講真，論環境，論食物，呢度都算係咁，個牛肉拼盤乜都有，牛脊、牛筋、香得黎又唔韌，個牛栢葉淥五秒就食得，又爽又脆，桶蠔就少左D，百幾蚊得四隻，但勝在夠大件，而個wasabi蝦滑夠新鮮感，淥熟左仍然感受到個隻刺鼻的清新，如果要我只論食物，呢度可能係港島最好味的火鍋店。
但係，呢度的服務態度真係差到無人有！
我係第一個到的, 同門口的哥哥仔講話我地訂左枱, 十幾人, 佢一句'請跟我入黎' 都唔講, 就自己轉身入去, 算;
之後我的朋友來到, 我地問佢地有冇杯, 問左幾次, 佢地一個剷短髮, 女侍應同我地講; '唔係冇, 係未拎黎啫', 都算;
酒過三巡, 我地一班朋友興致有點高, 吵了點, 但當中都有人會'殊', 驚嘈親隔離, 點知呢個女侍應過黎不斷俾說話我地聽:
'喂, 呢度唔係酒吧呀!'
'隔離枱投訴, 你無謂要我遷怒你地吖!'
到最後, 當晚主角忍唔住窒佢一句:' 喂, 你知唔係我地係客呀!'
呢個侍應竟然指住我個朋友, 大嗌' 你同我出黎! 我好聲好氣, 你竟然用粗口鬧我?'
最好笑既係, 之後全店異口同聲都應左佢一句' 喂, 佢無講粗口喎!'
講真我地都係斯文人, 但真係俾呢個侍應激親. 店內原本有promotion, 叫客人在facebook check in 自己到了壹樓火鍋, 會有一支汽水或細啤, 但個晚之後, 我地全部都在facebook 聲稱去錯地方! 個侍應之後消失左, 我地亦立即結賬, 但其他侍應一D都唔打算善後, 我打算拍拍佢地膊頭打圓場, 佢地竟然粒聲唔出, 連正眼都唔望我一下, 咁即係點?
超級極度差劣的服務態度, 食物再好味都背脊骨落!
張貼