新記芝士麵 (已結業)

下午茶時間，行過尖沙咀想搵啲特色啲又唔太飽嘅嘢食，所以就搵咗呢間芝士撈麵嚟食啦。呢度其中一款出名嘅係豬頸肉芝士汁撈公仔麵，所以就嗌咗碗嚟食下。🍽 豬頸肉芝士汁撈公仔麵$50濃濃嘅黃色芝士汁鋪滿曬喺碗公仔麵上面，我覺得嗰啲根本係芝士醬多個芝士汁，而且食前聞到陣香味，個人更加肚餓。 而豬頸肉佢應該用咗蜜汁嚟整，食落甜甜地好似叉燒咁，但冇叉燒咁韌，食落啖啖都係肉。 總之，食落去每一啖都好有芝士味 ，麵質又唔會好冧，但係價錢相對嚟講就貴少少，如果佢份量多番啲就好喇。