SAMA HK (已搬遷) 新店位置

本人不吃豬牛羊，但喜歡吃咖喱，諗住有海鮮和素菜咖喱，就去試吓。點知完全中伏。我試左個海鮮咖喱，咖喱完全冇咖喱味（可能係特色而我孤陋寡聞啦），啲蔬菜好似隨便烚一烚就放落咖喱度，好硬又冇味，啲飯又淋又少。糖心蛋味道很奇怪，好似食咗一啖水咁，好難形容。最離譜個薯仔有"叔"味，同店員講返，開頭完全冇反應，一句唔好意思都冇，隨手換返一碗又硬又冇味的蔬菜俾我（我自己碗裏面嗰啲都未食完），感覺上好似我做錯事一樣。店員服務態度非常差，可能依家啲後生仔女係咁啦，未見過咁黑面的侍應。而我也帶着憤怒的心情把飯吃完。晚飯時段得我一枱客是有原因的。