小城滋味

營業中

休息中

我就只食過一次咁大把，都咁唔好彩比我見到呢一幕，話時月初同朋友喺附近做完嘢諗住食個快飯，朋友推介呢間話好抵食，入去到總算乾淨企理，我地四個人坐左張卡位，嘢食就無乜特別都係一般茶記。咁我食嘢比較快，又唔中意轆電話，我啲朋友又未食完，我咪周圍望，咁啱我又坐正喺個廚房位對面，竟然比我見到入面個廚師偷偷地拉低口罩食煙，我當場呆左兼難以置信，諗返自己頭先食過嘅嘢即刻想嘔返出黎。我即刻同朋友講個廚房佬食煙，但大家都唔想煩所以無諗住做乜，只當自己唔好彩，以後都唔會幫襯。喺呢啲時候仲要整嘢食時食煙，所有食客被迫食佢啲二手煙，如果佢有肺炎，我地全部中哂招。