饗樂町

營業中

休息中

 今次食呢間饗樂町，餐牌價錢全部都係50幾60蚊，有唔同既壽司丼飯或者日式定食選擇，一個價錢包埋麵豉湯同埋前菜，同朋友食完都驚訝點解可以咁抵食😳 1⃣️日式海鮮天婦羅盛合配飯素飯（$58） 天婦羅份量同種類都比我想像中多，有鰻魚、軟殼蟹、蝦、紫菜、南瓜，炸得好脆好香口。雖然炸粉偏厚，但係呢個價錢食到咁多種類既海鮮天婦羅真係好抵食！另外仲有跟前菜中華沙律同埋味噌湯。味噌湯唔係普通味噌湯，係三文魚味噌湯，入面仲有三文魚肉同埋豆腐，好足料，而且唔會好鹹。  2⃣️松葉蟹肉味噌三文魚丼（$58） 蟹肉蟹膏份量都多，夠撈飯食，呢個價錢黎講，份量夠多而且蟹膏唔會腥，其實真係已經好滿足～佢仲有好多蟹籽🥰跟埋三文魚同埋帆立貝貝柱，痴線真係好抵食！