煲底海鮮火鍋料理 (已結業)

位於尖沙咀金馬倫道嘅煲底火鍋♨️午市選擇豐富而且非常抵食🤑一人火鍋💲8️⃣9️⃣可自選湯底、肉類、丸類、配菜、主食，非常自由有得揀🗳。沙爹湯底🥜非常濃厚，好有方榮記feel。份量亦都十足，一人份一定夠飽。另加配咗黑柏葉，非常爽口彈牙。除火鍋外，仲有醉雞系列、日式魚生飯🍣等，可惜啱啱今日日菜廚師休息，試唔到魚生飯，要下次再試。醉鮑魚午市套餐，$98，有三隻醉鮑魚🦪🦪🦪兩隻醉蝦🦐🦐同菜甫雲衣，鮑魚新鮮爽口，花雕酒香氣醉人，配燉湯🥣同菜飯🥬🍚，菜飯熱辣辣，米飯粒粒分明，調味得宜。鮑魚雞粒荷葉飯🍁，$78，係去飲個荷葉飯咁大嘅份量，同樣米粒粒粒分明，而且餡料豐富，CP值極高。