南小館Plus (已結業)

晏晝約咗朋友去希慎廣場上面嘅南小館食野～ 呢間以前係銅鑼灣做嘢嘅時候成日黎,但係冇黎一段時間 最鍾意佢就係光線十足，對住靚景，一路食住野，一路覺得好精神嘅感覺 再嚟，就係佢嘅茶 超特別，我飲咗幾次發覺應該係芝麻既茶？但係好似好健康咁 我最鍾意就係老干媽年糕，大良炒飯，四季烤麩，雞絲粉皮，干扁四季豆，同埋蒜蓉白菜！好似好多咁，因為佢樣樣都好好食！我覺得上海菜來講，比起上海乜乜等好食好多，都算幾正宗👍🏻 逐樣逐樣講！我最鍾意就係大良炒飯，如果你鍾意炒飯係炒到粒粒分明嘅，呢味就好啱你，佢最好味嘅地方就係啲飯係唔會好癡，粒粒散開，醬汁入晒飯粒，一食味值係飯度岀黎👍🏻👍🏻老干媽年糕應該係用大良炒飯既醬汁做法，因為未到好似，我唔係太識煮飯，所以唔知係唔係，佢嘅年糕煙韌程度啱啱好，唔會太硬頂胃，亦都唔會太軟好似食麵咁至於干扁四季豆同蒜蓉白菜，我就覺得係廚師勁，因為呢2道周圍都有食～ 至於兩道前菜，就係我favorite!! 呢度嘅雞絲粉皮吖，花生醬好足料，粉皮唔會太硬好似食緊膠，反而好似食水晶粉咁🤣🤣 會越食越想再食呢間仲要係環境唔錯，好適合傾計，因為枱與枱之間唔會太迫，有足夠空間隔離枱唔會聽到你講