Second Bite Bar & Cafe (紅磡灣中心) (已結業)

今次捐窿捐罅食中呢間主打海鮮料理但又泰泰地fusion西餐！😎🤓食物選擇豐富，如果乜都想試下，記得叫多啲人黎，因為餸菜份量十足，啱晒share！嗌咗個特濃蝦汁芝士焗蝦配蒜蓉包，個名好長長長，但真係清楚咁講晒啲食材。虎蝦有成八隻大大隻，蝦肉彈牙，有蝦膏，記得損埋啲汁先好剝殼。個汁好香濃，用黎點法包食，實在太出色！而個羊後腿，相對上就普普通通，係你想像到嘅味，有一點好好嘅，就係佢個薯蓉擺盤超靚，有啲香草同食用花花咁。芝士流沙燒粟米，見枱枱都有order，跟風一試，真係唔錯，重口味野，鍾意食鹹蛋黃流沙嘅，必食。下次再黎試下個魚，好似幾正香噴噴咁！~🤩🤩🤩🤩