點滾鮮點心火鍋

營業中

休息中

第一次去餐廳可以同時打邊爐之餘仲食埋港式點心 。好有特色同創意嘅餐廳！點心分兩種，一種係蒸好由蒸籠拎出嚟，另一種係生料可以放人鍋入面整熟 。生料淥熟真係第一次，意外地：好食！！好食在，皮薄得嚟好煙韌，就算放落湯度淥，都唔會爆皮或者爛哂 。至於火鍋，澳洲和牛係今次呢個set嘅賣點：肉質鮮嫩一定有，油花分布平均，口感滑滑！煮熟後肉片保持多汁，唔油膩！配台灣麻辣湯底，增加唔同層次感，同和牛係一個prefect當然唔小得，小食！！！呢度有好多款嘅台式小食，水準拍得住喺台灣食😋😋就算幾飽，點都要叫啲食下 。有鴨血！係鴨血！有炸菇，有台灣腸。全部都好好食🤤最後緊係要食甜品啦🍧🍨套餐包每人一杯Haagen Dazs雪糕，仲有蕃薯糖水任食，唔洗怕第二個胃唔滿足😌一定食到你飽用餐體驗：餐廳互動性好好，旁邊電視可以自己用電話投屏，可以睇到自己想睇嘅戲（當然要留意：非色情與暴力為主） ，第一次去餐廳可以有呢個服務 。