好運印尼餐廳

營業中

休息中

我4大1細，大熱天抱住個bb喺出面爆曬等咗個半鐘冇出過聲，點知後面又係5個，我聽住個呀嬸自己打電話同朋友講，佢哋前面仲有5個，即係佢知自己係我哋後面嗰枱嘅。咁因為後面枱有個伯伯，驚佢熱親入去坐住等先，ok啦，點知有人走，好應該到我哋入去食，個女人勁冇品咁拉隊入去，搶我哋枱。咁都算，我哋一開始好聲好氣同個職員講，其實我哋到先，咁似住有伯伯嗰兩個女人理虧唔敢出聲啦，點知個女職員夠膽死話我哋計喺佢哋後面，好啦，頂唔緊，直頭入鋪頭同個女職員講清楚，點知佢夠膽死推我哋出去話我哋係遲到嗰枱，我成頭黑人問號？？？即係好心你就派飛啦，咁先可以避免呢啲事發生，真拎米之蓮請著啲咁嘅職員都冇用呀。