影片
更多
2007-09-26
21 瀏覽
小肥:中秋節前o既星期日晚o係呢度做節+慶祝爸爸生日, 訂位時已講明一係六點半, 再唔係就八點半後先有位, 不過呢D時間都預o左, 同埋好在呢度唔會迫人食套餐啦! 我地到之前o係附近o既海鮮檔買o左龍躉, 蝦, 紅蟹, 鮑魚同蠔, 淨買海鮮買o左千五蚊左右啦.環境都算舒服, 而且有海景, o係屯門o黎講算係唔錯啦, 除o左我地買o黎o既海鮮, 我地重叫o左菜同吊燒雞, 龍躉係清蒸, 呢度整得唔錯, o岩o岩熟, 同埋本身條魚係好好味lo! 蝦就用鼓油皇炒, 炒得好入味, 但我就覺得徧醎. 紅蟹用花雕加蛋白蒸, 都唔錯但D蛋白太”水”啦, 同埋我都係鐘意冇酒味o既蒸蛋呀! 鮑魚又係蒸, 呢味都唔會失手o架啦, 蠔就用砵酒焗, 但我就只係食o左一啖, 但就係個人口味問題唔關呢度事, 至於個吊燒雞就令我地個個有讚冇彈, 隻雞好有雞味, 吊燒令個皮好脆, 但D肉重keep到好嫩滑, 而且係吊燒, 令到D油出晒o黎, 所以一D都唔油, 上時配埋鼓油, 但我覺得唔洗點都夠味啦!服務方面都滿意啦, 可能同我地係熟客有關o卦, 位男部長會間唔使走埋o黎問下D菜點, 有冇o野未o黎咁.埋單唔計自已帶o
中秋節前o既星期日晚o係呢度做節+慶祝爸爸生日, 訂位時已講明一係六點半, 再唔係就八點半後先有位, 不過呢D時間都預o左, 同埋好在呢度唔會迫人食套餐啦! 我地到之前o係附近o既海鮮檔買o左龍躉, 蝦, 紅蟹, 鮑魚同蠔, 淨買海鮮買o左千五蚊左右啦.
環境都算舒服, 而且有海景, o係屯門o黎講算係唔錯啦, 除o左我地買o黎o既海鮮, 我地重叫o左菜同吊燒雞, 龍躉係清蒸, 呢度整得唔錯, o岩o岩熟, 同埋本身條魚係好好味lo! 蝦就用鼓油皇炒, 炒得好入味, 但我就覺得徧醎. 紅蟹用花雕加蛋白蒸, 都唔錯但D蛋白太”水”啦, 同埋我都係鐘意冇酒味o既蒸蛋呀! 鮑魚又係蒸, 呢味都唔會失手o架啦, 蠔就用砵酒焗, 但我就只係食o左一啖, 但就係個人口味問題唔關呢度事, 至於個吊燒雞就令我地個個有讚冇彈, 隻雞好有雞味, 吊燒令個皮好脆, 但D肉重keep到好嫩滑, 而且係吊燒, 令到D油出晒o黎, 所以一D都唔油, 上時配埋鼓油, 但我覺得唔洗點都夠味啦!
服務方面都滿意啦, 可能同我地係熟客有關o卦, 位男部長會間唔使走埋o黎問下D菜點, 有冇o野未o黎咁.
埋單唔計自已帶o既海鮮都要過千呀! 雖然係貴, 但可以一家人齊齊整整咁食餐飯, 又食到咁好味o既o野, 真係千刻無價o架!
大肥:
海天都食過幾次晚飯，上次因為係因為雙方家長見面而食，得到毎不太愉快既經驗，今次醒水左。先講我地買左既海鮮，自己揀既新鮮程度唔使講一定掂，但煮既功力就…. 蝦，豉油王炒，雖然略咸，但豉油王就係要咸先好食嘛，而且炒得香炒得脆，我連蝦殼都食埋問你怕未，哈!! 鮑魚就蒸得幾好，唔會太un，不過俾我揀我就唔會用蒸既方法，用紅燒好味好多…哈哈!! 魚就清蒸唔使諗，功力相當唔錯，唔會生又唔會老，如果條魚大D既話就更加正喇…哈哈哈!!! 蠔就麻麻地，可能煮完出黎un左，所以覺得唔太好食，都係用炸或者生食好D…蟹方面我就無食到…因為懶，淨係食左D蒸蛋，雖然水左D…但感覺好滑，亦到吸左蟹既鮮味，都幾好食。仲有兩條菜，清炒既，大路野問題不大，最大問題係佢既吊燒雞，足足等左一個鐘都未見佢送上台，叫左幾次先到，哦，原來好野係要等既，隻雞燒得岩岩好，皮脆肉嫩，多餘既雞油都差唔多迫晒出黎，食落唔會覺得好肥，而且味道好好，係全餐飯既重點推介，個部長仲走埋黎話隻雞全場得八隻，所以梗係正啦，咦，下次都要再叫先得!! 埋單一千三百幾…未計自攜海鮮，加埋就差唔多三千蚊喇，八個人，做節就OK既。
張貼