金鶴拉麵 (九龍城道) (已結業)

由日本返港，一落機就開始已經好掛住日本嘅拉麵，所以當晚晚餐就衝左過去——🌟金鶴拉麵🌟食返個拉麵過過口癮🤩平時啲拉麵店地方淺窄，而呢間拉麵店除咗底下有一層，上面原來仲有成層，坐得好闊落，唔會好逼結👍🏻._.🦀｜北海道-蟹湯拉麵｜🦀見到有蟹湯底對於極鐘意食蟹嘅我黎講當然係必點啦🥰蟹湯底齋飲一啖已經好濃厚，淡淡蟹嘅香濃鮮味掛滿曬係啲拉麵上。係幸福嘅味道，除咗湯底，最正係滿滿嘅蟹肉鋪滿晒喺拉麵上，淡淡蟹肉配上每一啖嘅拉麵，再加上我最愛嘅紫菜、木耳絲、糖心蛋、蔥花作為拉麵配料，正中我嘅喜愛配搭💕·🦪｜瀨戶內海產蠔湯拉麵（配生蠔黃金燒）｜🦪呢到嘅拉麵湯底好多款都好吸引想試，咁啱見到有期間限定嘅蠔湯拉麵，好吸引特別，仲有得配兩隻黃金燒生蠔，即刻點黎試下😍蠔湯又係勁鮮勁濃味，飲得出蠔湯用咗好足料嘅蠔熬製💕黃金燒生蠔大大隻又飽滿，仲舖滿香濃嘅焗芝士，成個拉麵又係好滿足🌟._.