影片
更多
2018-01-10
2815 瀏覽
Sem break 期間適逢香港文化博物館舉辦彼思動畫展， 一於拉埋細妹去沙田逛一逛， 一睇展覽就係兩個幾三個鐘， 出嚟啱啱好係晚飯時間， 喺附近搵咗間日本餐廳坐低， 經過呢間和氣飯堂見到咁多人食，唔會揀錯啦掛。好肚餓...叫咗一碟前菜， 簡簡單單一個蕃茄沙律， 餐廳細心咁將適量日式甜醋加入沙律裏面，番茄片上中灑上一啲白芝麻， 估唔到加咗之後又幾香口。細妹咁鍾意食魚生，一於叫一碟鯛魚刺身！鯛魚薄片上有些少魚籽， 一入口食到有少少腥味， 不過由於魚籽有用鹽調味喎， 味道最終攞返個平衡。鯛魚薄片晶瑩剔透， 店員特意推介沾上一些秘製甜酸醬品嚐， 酸酸甜甜嘅味道果然成功襯托鯛魚嘅鮮甜， 當然鯛魚刺身本身都夠新鮮，幾爽口。 係menu上見到咁多嘢食唔知揀邊款，望下面推介就最啱👇👇👇櫻花蝦泡飯趁石鍋熱辣辣立即淋上香噴噴新鮮鯛魚湯， 店員上菜時得意介紹食法， 服務態度好好， 好有笑容咁提醒我哋要趁熱鍋高溫時，加入特別用新鮮鯛魚骨煮成的特濃湯底！ 眼見奶白色嘅魚湯加入熱鍋時不斷沸騰，發出吱吱聲響，已經流曬口水...呢個湯飯有豐富配料， 有三四隻櫻花大蝦， 一粒半熟大帆立貝， 仲有一束煮得好淋嘅新鮮蔬
好肚餓...叫咗一碟前菜， 簡簡單單一個蕃茄沙律， 餐廳細心咁將適量日式甜醋加入沙律裏面，番茄片上中灑上一啲白芝麻， 估唔到加咗之後又幾香口。
蕃茄沙律
$42
47 瀏覽
0 讚好
0 留言
細妹咁鍾意食魚生，一於叫一碟鯛魚刺身！
鮮鯛魚薄切刺身15切
$108
47 瀏覽
0 讚好
0 留言
鯛魚薄片上有些少魚籽， 一入口食到有少少腥味， 不過由於魚籽有用鹽調味喎， 味道最終攞返個平衡。
鯛魚薄片晶瑩剔透， 店員特意推介沾上一些秘製甜酸醬品嚐， 酸酸甜甜嘅味道果然成功襯托鯛魚嘅鮮甜， 當然鯛魚刺身本身都夠新鮮，幾爽口。
係menu上見到咁多嘢食唔知揀邊款，望下面推介就最啱👇👇👇
櫻花蝦泡飯
櫻花蝦泡飯
$108
47 瀏覽
0 讚好
0 留言
趁石鍋熱辣辣立即淋上香噴噴新鮮鯛魚湯， 店員上菜時得意介紹食法， 服務態度好好， 好有笑容咁提醒我哋要趁熱鍋高溫時，加入特別用新鮮鯛魚骨煮成的特濃湯底！ 眼見奶白色嘅魚湯加入熱鍋時不斷沸騰，發出吱吱聲響，已經流曬口水...
呢個湯飯有豐富配料， 有三四隻櫻花大蝦， 一粒半熟大帆立貝， 仲有一束煮得好淋嘅新鮮蔬菜。
食湯飯記得加入炒香咗嘅玄米脆粒
特別爆香過嘅蒜蓉粒果然係唔同啲， 鋪上去新鮮烤好嘅原隻茄子上好香口， 茄子本身都有充足水分， very juicy~
金蒜燒日本米茄子
$42
27 瀏覽
0 讚好
0 留言
最後再嚟多個卷物， 普通壽司飯嘅卷物食得多，用pancake包住三文魚同牛油果真係第一次食， 估唔到原來簡簡單單用一層薄薄哋嘅班戟皮更加能夠突出卷物裏麵食材嘅味道， 特別係牛油果同三文魚好多時會比壽司飯裏面嘅壽司醋蓋過味道， 今次用甜味適中嘅班戟皮配搭蟹子同沙律醬同味道更清新， 真心推薦畀大家。
牛油果芒果三文魚班戟
$48
23 瀏覽
0 讚好
0 留言
人均消費200蚊有找，以咁嘅質素嚟講算係幾抵食， 下次來沙田附近再睇下有咩嘢食😋😋
張貼
