金竹苑中菜廳 (已結業)

金竹苑應該系間新既中菜廳，食物系唔錯的，只可惜唔系地舖，而且棟大廈又唔系好出品既food center，所以即使附近人流非常多，亦冇咩人會注意到呢度，所以今晚既客人實在不多。芥末一口骨用了煎炸過的排骨，已經好香口，再用了芥末，味道更加豐富，但唔太刺激， 對於鐘意芥末既人黎講， 呢道菜唔會令佢地失望。蒜香准山炒藕片本來就係我鐘意食既餸， 係一道非常健康既中菜， 藕片蘊含豐富既維他命c, 而西芹有助平穩血壓， 而准山對腸胃有益， 但呢道菜因加了蒜蓉爆香， 一點也不清淡， 反而非常香口！ 值得推薦。西蘭花海斑球既海斑超曬班既嫩滑鮮甜！ 每一啖都係享受，無骨啖啖都係肉， 加了薑片辟腥， 以及用了少少辣椒突出魚鮮， 而西蘭花也沾了海斑的鮮味，美味非常。黃酒煮雞非常滋補，迎面撲來一陣陣濃郁的酒香及雞既鮮甜，即刻食指大動，黃酒煮出黎既湯黃黃的， 但味鮮酒甜，另外還加了薑， 如果冬天飲就一定好暖身， 夏天飲可能會燥，但係因為太好飲， 我都忍唔住飲咗幾碗， 而雞肉也很入味， 但略嫌唔夠嫩滑。