影片
更多
2023-09-29
427 瀏覽
以前試過係IG shop試過買返屋企自己整，覺得啲牛既質素好靚，有入口即溶嘅感覺，油脂分布平均，份量多配菜都非常吸引！包裝都好高級既感覺而且香港又好少地方可以食到薩摩牛。最有印象就係個4%奇蹟。今次知道原來開左實體店，就抱住期望book位試下係咪一如既往咁好！但係期望愈大失望愈大，食完真係冇下次。我地嗌左兩個套餐：特上薩摩牛壽喜燒套餐 $498呢個套餐最為失望，直頭覺得係中左伏咁。個碟牛肉係由數塊細過十蚊紙幣既size堆砌而成，望落以為係一塊完整既牛肉，但係一夾開係一塊塊細塊既牛肉，食起上嚟完全冇口感，又超級薄切，肥牛好似仲好，咁細塊用黎做壽喜燒，真係未見過，打邊爐都驚淥完會唔見。極上薩摩牛壽喜燒套餐 $698諗住嗌個最貴既套餐 應該點都好啲掛！但原來唔係，呢個套餐啲牛夠大塊，不過油脂分布極唔平均，有根，肥膏集中係邊邊位，中間啲肉好似瘦肉咁！甚至有某部位咬唔爛！要Lur返出黎！感覺有啲似食梗一塊薄切既豬肉片☺️講完啲牛，啲配菜份量極少，一粒獅子狗兩舊豆腐仔，兩舊冬菇，幾條皇帝菜 再加一執芋絲！不過，好彩啲飯夠多，有一大碗，唔係真係驚食唔飽😄另外野飲相當普通，冇咩特別，嗌左杯烏龍茶同夕燒X
今次知道原來開左實體店，就抱住期望book位試下係咪一如既往咁好！
但係期望愈大失望愈大，食完真係冇下次。
我地嗌左兩個套餐：
特上薩摩牛壽喜燒套餐 $498
呢個套餐最為失望，直頭覺得係中左伏咁。個碟牛肉係由數塊細過十蚊紙幣既size堆砌而成，望落以為係一塊完整既牛肉，但係一夾開係一塊塊細塊既牛肉，食起上嚟完全冇口感，又超級薄切，肥牛好似仲好，咁細塊用黎做壽喜燒，真係未見過，打邊爐都驚淥完會唔見。
極上薩摩牛壽喜燒套餐 $698
諗住嗌個最貴既套餐 應該點都好啲掛！
但原來唔係，呢個套餐啲牛夠大塊，不過油脂分布極唔平均，有根，肥膏集中係邊邊位，中間啲肉好似瘦肉咁！甚至有某部位咬唔爛！要Lur返出黎！感覺有啲似食梗一塊薄切既豬肉片☺️
講完啲牛，啲配菜份量極少，一粒獅子狗兩舊豆腐仔，兩舊冬菇，幾條皇帝菜 再加一執芋絲！
不過，好彩啲飯夠多，有一大碗，唔係真係驚食唔飽😄另外野飲相當普通，冇咩特別，嗌左杯烏龍茶同夕燒X。話係芒果蜜桃西柚四季春，但唔係好飲到呢啲味！
去食之前睇左啲comment 整體都係話服務態度問題，但當日服務態度又冇評論講既咁差。只係野食質素 真係需要改善，價錢唔係特別平！
張貼
