影片
更多
2018-07-19
3426 瀏覽
我既生日週，當然要食好啲😆六公館大名聽左好耐！生日就黎一試裝修同平時食中菜既地方好唔同，比較似一個bar and restaurant 既裝修玫瑰荔枝茶🌹淡淡花香加果甜，十分清新解渴，飲完仲可以叫佢加水《鴛鴦蝦球》$298先講蝦既size，每一隻都有乒乓球咁大，十分新鮮，唔會太多炸粉，皮薄且脆，肉質爽彈😬講明鴛鴦咁當然係有兩種唔同既味啦，黃色果種係沙律醬，味道不錯，不過側邊果個充滿驚喜！！佢竟然係咸蛋黃味🥚黃金蝦球，非常推薦💯《松茸羊肚菌海膽燴飯》 $288呢個飯完全表現出fusion菜既精髓，用中國同日本食材煮出意大利飯既質感👍飯有淡淡松茸味，羊肚菌口感有啲似海哲，一樣係偏爽口～之前都食過加左海膽嘅飯，但係通常飯既味會蓋過海膽嘅甜，只能夠食得出海膽creamy嘅口感。但係呢個飯完全冇呢種情況！飯既味同海膽既甜味都食到，飯本身有啲煙銀口感加上海膽creamy口感，兩者配合得好好😍《龍井熏太爺雞(半隻)》$288先講雞，肉滑皮薄，黃色脂肪層唔會佔太多比例😋味道似油雞，但多左淡淡茶香，味道更具層次，同時亦冇一般油雞咁膩《蘇薑蟹肉蒸斑球》$368唔好睇佢得一舊魚好似好少咁，果舊魚十分厚肉、冇
六公館大名聽左好耐！生日就黎一試
裝修同平時食中菜既地方好唔同，比較似一個bar and restaurant 既裝修
玫瑰荔枝茶🌹
淡淡花香加果甜，十分清新解渴，飲完仲可以叫佢加水
《鴛鴦蝦球》$298
先講蝦既size，每一隻都有乒乓球咁大，十分新鮮，唔會太多炸粉，皮薄且脆，肉質爽彈😬
講明鴛鴦咁當然係有兩種唔同既味啦，黃色果種係沙律醬，味道不錯，不過側邊果個充滿驚喜！！佢竟然係咸蛋黃味🥚黃金蝦球，非常推薦💯
《松茸羊肚菌海膽燴飯》 $288
呢個飯完全表現出fusion菜既精髓，用中國同日本食材煮出意大利飯既質感👍
飯有淡淡松茸味，羊肚菌口感有啲似海哲，一樣係偏爽口～
之前都食過加左海膽嘅飯，但係通常飯既味會蓋過海膽嘅甜，只能夠食得出海膽creamy嘅口感。但係呢個飯完全冇呢種情況！飯既味同海膽既甜味都食到，飯本身有啲煙銀口感加上海膽creamy口感，兩者配合得好好😍
《龍井熏太爺雞(半隻)》$288
先講雞，肉滑皮薄，黃色脂肪層唔會佔太多比例😋
味道似油雞，但多左淡淡茶香，味道更具層次，同時亦冇一般油雞咁膩
《蘇薑蟹肉蒸斑球》$368
唔好睇佢得一舊魚好似好少咁，果舊魚十分厚肉、冇骨、啖啖肉！好滑而且有質感👍
個汁有好多蟹肉，仲有少少蔬菜同蒜加番啲口感，整體味道鮮甜，同魚十分夾！
其實就咁食個汁都好好味🤪
《鮮茨實濃雞湯浸菜苗》 $188
菜苗夠嫩，甜而且多汁，煮既時間拿捏得好好，令菜苗唔會太淋，有番小小口感，雞湯底十分濃，但絕對唔重味精味！🥦
我地兩個人食左咁多野飽到反艇😆
每人食左7xx，以環境同食物質素黎講我覺得係值得既，可以一邊食飯一邊望住維港🌃
餐廳出面仲有個戶外區域，可以係到影相，仲有專人幫手打燈添📸
張貼
