Doubleshot by Cupping Room (已搬遷) 新店位置

約朋友食lunch 聚下舊，就係衝著呢度嘅avocado toast 嚟😎🌟Avocado toast 2.0 🥑同平時見開嘅完全唔同，toast同料分開上，自己調配份量。Avocado質地啱啱好，唔會過生或過熟；配搭切粒西班牙辣香腸、burrata cheese、流心蛋黃、芒果茸，全部夾埋一齊令個avocado toast 充滿層次感🤤自己砌嘅toast亦唔會好似其他地方嘅食到勁狼狽，邊食邊跌🤣大讚👍🏽👍🏽👍🏽👍🏽🌟Breakfast Carbonara🍳係充滿驚喜嘅卡邦尼意粉🤩首先bacon係厚切原片上（真係breakfast見到嗰種），而唔係切成細塊，食落冇平時咁方便，但煎到香脆嘅bacon沾上卡邦尼汁又係另一種享受😌半熟脆邊蛋又係另一個驚艷位，蛋汁配上濃濃嘅芝士，可以講得上係我食過最creamy最rich嘅carbonara 😍大讚again👍🏽👍🏽👍🏽👍🏽叫咗呢兩樣已經食到極級飽🤣走咗之後，仲係忍唔住回味☺️☺️已經馬上推廣咗俾其他牛油果粉🤭📍Doubleshot by Cupping Room (中環)中環蘇豪荷李活道49號鴻豐商業中心1樓