影片
更多
2014-03-01
2269 瀏覽
一蘭由上年7月進駐香港至今,一直都想搵機會試,要排隊就預左,但唔想花咁多時間排隊,排兩三個小時,唔值呀嘛!這天早了收工,未夠6點經過銅鑼灣順便看看一蘭條人龍,門外大概廿多人,唔算好長,橫掂都要等朋友,不如邊排邊等。以為排完門外就有得坐,點知入到去仲要排,好彩店內環境算好,牆上和COUNTER都好多野睇,分下心又唔覺等左好耐!坐下後,店員就係我的私人格仔前面俾張order紙我,填好後按掣就有人收返張紙。拉麵只有份量可選。拉麵送上後,店員會拉上布廉。例牌動作,相機食先,任影都唔怕俾其他人望望下。湯底好味,油的份量可以揀,我覺得選清淡會更好,始終食拉麵會連湯都飲埋,太油就令口腔喉嚨唔舒服。秘制醬有點辣,本人不喜歡有辣味的拉麵,下次可以刪掉。叉燒份量只得有/無供選擇,雖然不是這碗拉麵的主角,但份量真的少得可憐,不得大方。飲到底就可以看到碗底有幾隻日文字,大概意思是飲到一滴不剩是最高的喜悅。一蘭給我是"精品拉麵"的感覺,拉麵,湯底,醬汁都是極品,不擅詳的東西,不如不賣,很有日本師博級的風範!但是喜歡大埋頭的朋友可能失望,拉麵只有麵,湯,蔥,少許叉燒,加錢才有蛋...
以為排完門外就有得坐,點知入到去仲要排,好彩店內環境算好,牆上和COUNTER都好多野睇,分下心又唔覺等左好耐!
坐下後,店員就係我的私人格仔前面俾張order紙我,填好後按掣就有人收返張紙。拉麵只有份量可選。
拉麵送上後,店員會拉上布廉。例牌動作,相機食先,任影都唔怕俾其他人望望下。湯底好味,油的份量可以揀,我覺得選清淡會更好,始終食拉麵會連湯都飲埋,太油就令口腔喉嚨唔舒服。
秘制醬有點辣,本人不喜歡有辣味的拉麵,下次可以刪掉。
叉燒份量只得有/無供選擇,雖然不是這碗拉麵的主角,但份量真的少得可憐,不得大方。
飲到底就可以看到碗底有幾隻日文字,大概意思是飲到一滴不剩是最高的喜悅。一蘭給我是"精品拉麵"的感覺,拉麵,湯底,醬汁都是極品,不擅詳的東西,不如不賣,很有日本師博級的風範!
但是喜歡大埋頭的朋友可能失望,拉麵只有麵,湯,蔥,少許叉燒,加錢才有蛋...
張貼
