影片
更多
2021-09-09
85 瀏覽
東哥點心火鍋好出名，想同朋友黎試好耐啦，但次次經過都排滿人等位，是晚特登早啲黎睇睇，早場ok喎可以即入。$188/位任飲任食兩小時，另加醬料費$10同加一，大概$220人頭。可以點雞煲，打邊爐同點心，真心多野食。飲品選擇唔多，但有罐裝茶同啤酒已經夠啦，想飲甜野有可樂同樂天嘅忌廉溝鮮奶等。覺得自己食唔到咁多野就無揀雞煲了，直接就打邊爐，點左澳門豬骨煲，湯底都幾好味，不死鹹。第一round點左呢啲，火鍋料選擇唔算話好多，但一般大路野都有啦。食物按人頭計，兩個人就分到二嘅倍數。全部料都幾新鮮，炸魚皮好脆，菜翠綠。呢碟係美國頂級牛板腱，都幾好有牛味又唔肥，有時遇到白色一片嘅任食嘛，你懂的。西班牙豚肉都嫩滑喎，淥耐左都唔鞋口。左起和牛粒，雞子，廣島蠔，秀珍菇，鵝腸，其中雞子同蠔好新鮮肥美，encore左幾轉。鵪鶉蛋、蘿蔔、粟米、豆卜，豆卜同蘿蔔吸滿湯汁真係幾正。豬紅幾好唔散，麻辣牛丸爆汁。記住留肚食下點心，蝦餃鮮甜，好食過唔少茶樓，encore！菜苗餃菜嫩多蝦，又係好好食，encore！鳳爪夠入味，好食。灌湯餃足料但驚喜不大，而且呢樣好飽肚，試過便算。呢個價錢咁多野食好抵，食物都有水準，上菜速度
$188/位任飲任食兩小時，另加醬料費$10同加一，大概$220人頭。可以點雞煲，打邊爐同點心，真心多野食。
飲品選擇唔多，但有罐裝茶同啤酒已經夠啦，想飲甜野有可樂同樂天嘅忌廉溝鮮奶等。
覺得自己食唔到咁多野就無揀雞煲了，直接就打邊爐，點左澳門豬骨煲，湯底都幾好味，不死鹹。
第一round點左呢啲，火鍋料選擇唔算話好多，但一般大路野都有啦。食物按人頭計，兩個人就分到二嘅倍數。全部料都幾新鮮，炸魚皮好脆，菜翠綠。
呢碟係美國頂級牛板腱，都幾好有牛味又唔肥，有時遇到白色一片嘅任食嘛，你懂的。
西班牙豚肉都嫩滑喎，淥耐左都唔鞋口。
左起和牛粒，雞子，廣島蠔，秀珍菇，鵝腸，其中雞子同蠔好新鮮肥美，encore左幾轉。
鵪鶉蛋、蘿蔔、粟米、豆卜，豆卜同蘿蔔吸滿湯汁真係幾正。
豬紅幾好唔散，麻辣牛丸爆汁。
記住留肚食下點心，蝦餃鮮甜，好食過唔少茶樓，encore！
菜苗餃菜嫩多蝦，又係好好食，encore！
鳳爪夠入味，好食。
灌湯餃足料但驚喜不大，而且呢樣好飽肚，試過便算。呢個價錢咁多野食好抵，食物都有水準，上菜速度可接受又無漏單，唯獨店內冷氣略嫌不夠，可能坐近門口係熱啲啦。
張貼
