Mint Supper Club (已結業)

今日約咗朋友去中環蘇豪區gathering， 入咗Mint Supper Club，先講個環境，畀人一種好cosy嘅感覺，燈光比較昏暗而且用咗唔同顏色，柔和嘅光線加埋一啲好輕鬆嘅音樂，絕對係一個傾計談心嘅好地方。前菜我哋點咗大蝦柚子沙律，同埋泰式炸春捲，個沙律入面除咗大蝦之外，有熱情果、芒果、火龍果等等嘅生果，配埋生 加埋泰式甜酸汁一齊食 ，食到好開胃。 泰式炸春捲外脆內軟，點埋佢哋秘製嘅泰式辣醬食又係極開胃之選。主盤我哋叫咗泰式海鮮炒金邊粉，同埋泰式雞肉生菜包，金邊粉畀我一個好深嘅印象，因為佢比起其他香港嘅泰國餐廳炒得比較濕身，而且醬料都比較似泰國地道食到嘅味道，香葉比較多，呢個要極力推介。 雞肉生菜包就用咗泰國香料同埋一啲泰國豆一齊炒啲雞肉，分別放生菜包入邊，又或者配埋鍋爸一齊食都有唔同嘅感覺。好味！