影片
更多
2022-08-22
75 瀏覽
爆丼屋位置於Aeon旁邊，雖則店舖唔算大，但座位之間尚算寬躺，唔會有逼夾嘅感覺。餐廳以灰、木色為主，帶來乾淨簡潔嘅視覺效果😎。我同男朋友一人叫咗一個丼飯，再加多個小食同飲品。落單之後服務員送上麵豉湯，麵豉湯昆布味道比較重，唔算太鹹👍🏻。🐟#炙燒七級魚蝦蟹丼($298)： 丼飯分量比想像中多，醋飯上更鋪滿七種唔同海鮮，包括帆立貝、三文魚、拖羅、白身魚、牡丹蝦、蟹腳、三文魚籽等。飯粒相對煙韌，帶有少少醋香，一啖飯一口海鮮中和炙燒後帶嚟嘅油膩感。魚油亦滲透喺飯粒嘅表面上，即使唔落豉油都好夠味。三文魚最多油香，燒完都非常嫩滑；炙燒拖羅口感紮實但勝在夠大片；白身魚唔腥得嚟都好重魚油；牡丹蝦非常大隻仲有爆多蝦膏；唯一係蟹腳冇咩味同比較細隻，但冇雪味嘅。🦢制霸! #鵝肝海鮮盛丼($278)：飯量比七級丼少，但有一大塊鵝肝同足足九片帆立貝，每一片都非常厚身，另外仲有兩大舊海膽、三文魚籽、黑魚籽同鵪鶉蛋黃，同埋細細舊印有「爆丼屋」招牌嘅玉子。燒過嘅帆立貝仍然保留刺身口感，軟腍鮮甜極足料。鵝肝相對較薄但面積夠大，少少燶燶哋算得上外脆內軟。海膽有少少腥味但可接受，生蛋撈醋飯再加少少豉油又係好好食。建議蔥花可
爆丼屋位置於Aeon旁邊，雖則店舖唔算大，但座位之間尚算寬躺，唔會有逼夾嘅感覺。餐廳以灰、木色為主，帶來乾淨簡潔嘅視覺效果😎。
我同男朋友一人叫咗一個丼飯，再加多個小食同飲品。落單之後服務員送上麵豉湯，麵豉湯昆布味道比較重，唔算太鹹👍🏻。
🐟#炙燒七級魚蝦蟹丼($298)：
丼飯分量比想像中多，醋飯上更鋪滿七種唔同海鮮，包括帆立貝、三文魚、拖羅、白身魚、牡丹蝦、蟹腳、三文魚籽等。飯粒相對煙韌，帶有少少醋香，一啖飯一口海鮮中和炙燒後帶嚟嘅油膩感。魚油亦滲透喺飯粒嘅表面上，即使唔落豉油都好夠味。三文魚最多油香，燒完都非常嫩滑；炙燒拖羅口感紮實但勝在夠大片；白身魚唔腥得嚟都好重魚油；牡丹蝦非常大隻仲有爆多蝦膏；唯一係蟹腳冇咩味同比較細隻，但冇雪味嘅。
🦢制霸! #鵝肝海鮮盛丼($278)：
飯量比七級丼少，但有一大塊鵝肝同足足九片帆立貝，每一片都非常厚身，另外仲有兩大舊海膽、三文魚籽、黑魚籽同鵪鶉蛋黃，同埋細細舊印有「爆丼屋」招牌嘅玉子。燒過嘅帆立貝仍然保留刺身口感，軟腍鮮甜極足料。鵝肝相對較薄但面積夠大，少少燶燶哋算得上外脆內軟。海膽有少少腥味但可接受，生蛋撈醋飯再加少少豉油又係好好食。建議蔥花可以俾多少少因為配埋鵝肝真係好正。
🍗#燒雞軟骨($38)：
雞軟骨啱啱好一人一串，調味做得唔錯，軟骨咬落去都係爽口嘅，不過建議可以再燒耐啲，若然可以微焦就更加正🤤。
🥤飲品：
男朋友話好耐冇飲過#波子汽水($28)，心血來潮就叫咗一支懷緬下味道，我就要左#芒果汁($25)，反而芒果汁嘅味道好特別，飲落有少少似平時食芒果乾嘅感覺，而且佢仲係有汽嘅芒果汁，我男朋友幾鍾意結果搶咗嚟飲🙄，最後我得返舖頭提供嘅茶可以飲。
總括嚟講我覺得食完好滿足🥰，服務員做嘢都好快手，整個等待過程唔算耐，下次有機會再嚟試吓其他丼飯。
張貼
