Check in Tokyo (已結業)

今次襯住有買Rainbow送Sakura優惠，終於下定決心走一轉，食到尼度嘅Rainbow啦。4色彩虹是次配搭為波子汽水(藍)、牛乳(白)、抹茶(綠)及櫻花(粉紅)，加埋個黑色竹炭cone，顏色對比強烈之下，賣相真係幾鬼靚！波子汽水偏甜，櫻花味酸酸地有啲似梅嘅味道，4隻味當中最好味最突出反而係抹茶喎！不過雪糕溶得真係幾快，再加上4圈雪糕其實都幾多，我要用極速KO佢先勉強追得上佢溶化嘅速度 因為食得太急，所以食完嗰刻感覺好飽。