石澗日本料理 (已結業)

以前未有放題既時候, 9pm後去就會全單有半價, 或者假日前有7折, 當時各種食物水準都好平均, 而且所有都係即叫即做. 自從改左做放題, d魚生就開始好明顯差左, 諗住算啦, 價錢平左, 整體黎講以$178呢個價錢就ok啦. 但係呢兩次再去, 發現個埸好爆好嘈之餘, d食物差到不得了, 申燒, 炸物一叫即到, d炸物番炸過難食都死, 串燒又凍又硬, 以前個嚮縲燒係成隻連穀上, 而家是但用隻碟放幾片上去, 都係凍冰冰既! 最嬲就係食日本野個賣相好緊要, 石澗一向都用d幾靚既碗碟上菜, 但前日竟然一黎就上 一碟酒樓果d白色碟仔, 裝住一堆亂切既魚生.....嘩.....攬到咩胃口都無晒, 之後連一向最穩陣既壽司都好難食, d飯又爛又得個甜字. 好失望, 點解每次一搵到d好食既餐廳, 開始多左人去就會退步既呢!? 我明白$178係好平吾可以太多要求, 但石澗明明之前係有好師傅可以做出有水準既食物, 點解要自降身價呢! 我情願佢收番以前貴少少, 吾好浪費左個咁好既環境同埋斑師傅啦.