小食糖 (已結業)

星期六下午去到美麗華諗住搵嘢食，間間排隊，見呢間裝潢幾特別又唔使等，而且以為牛肉麵應該比較穩陣，於是就入去試吓啦。第一個驚喜係全部餐點七折。等咗差不多廿分鐘，見到啲出品仲真係超級驚起。🙄所謂嘅清燉牛肉麵，好似清水白烚牛肉麵。紅燒牛肉麵便當，知唔知咩叫便當? 呢碗應該係老牛大碗飯？叫凍珍珠奶茶話冇珍珠，轉「苟葯」，諗住算啦，應該冇問題嘅，我收到時，隻杯仲暖，見到真係唔多想飲。當我取餐時，佢地放低杯茶時倒瀉到餐盤，但佢地竟然可以唔理，抹都唔抹就咁出餐。食食吓聽到廚房「嘭」一聲，應該係倒瀉嘢，然後有人點餐，佢地竟然話今日冇食物供應了。。。星期六下午四點半就已經冇食物供應？？今日已經好肚餓，不過見到啲食物都唔多想食。其實係咪想 「本per」唔做？難得租到大商場開舖，點解唔努力啲做好佢？好少彈得咁緊要，不過真係唔好意思，佢地絕對需要檢討品質。