影片
更多
2022-12-01
404 瀏覽
2022年11月20日 星期日今日晏晝帶埋BB同屋企人又黎到呢間餐廳打邊爐，因為好少餐廳可以晏晝都有火鍋提供，而且性價比唔錯餐牌同之前黎嘅時候冇乜太大改動，都係主打烤魚同雞煲，但見到有香辣小龍蝦最新推出，感覺都好吸引，不過由於屋企人唔食辣，所以最後就試咗椰子雞煲另外後面可以選擇嘅火鍋配料有好多，無論是肉類、海鮮類甚至蔬菜類都有好多食物可以揀，花多眼亂，最後我哋決定每一類都要少少，怕點太多會食唔晒等咗大約10分鐘左右飲品就先嚟到，有益力多沙冰，飲落去酸酸甜甜咁幾開胃，而且唔會太甜另一杯就係芒果沙冰，份量都幾多，食落去好清新，可以解膩，打邊爐飲就啱晒，不過飲品最好遠離火鍋，因為沙冰溶得都幾快之後椰子雞煲就準備好，店員仲細心過我哋落雞件，等到火鍋出晒水蒸氣，一打開個蓋，就已經聞到好濃郁嘅椰子香味，就算夾裏面嘅雞件黎食，一咬落去都食到椰子嘅味道，同雞都幾配合，肉質幼嫩，煮得啱啱好之後有魚片頭，每一舊都好大粒，而且食落去幾彈牙，又有魚味跟住有滑雙拼，其實係墨魚滑加蝦滑，整開之後都有好多舊，淥左一陣間已經熟晒，彈牙之餘又有咬口，仲食到有一粒粒蟹籽添呢一個係幼薯粉，睇落唔係好多，但當放落火鍋淥熟之後
今日晏晝帶埋BB同屋企人又黎到呢間餐廳打邊爐，因為好少餐廳可以晏晝都有火鍋提供，而且性價比唔錯
餐牌同之前黎嘅時候冇乜太大改動，都係主打烤魚同雞煲，但見到有香辣小龍蝦最新推出，感覺都好吸引，不過由於屋企人唔食辣，所以最後就試咗椰子雞煲
另外後面可以選擇嘅火鍋配料有好多，無論是肉類、海鮮類甚至蔬菜類都有好多食物可以揀，花多眼亂，最後我哋決定每一類都要少少，怕點太多會食唔晒
等咗大約10分鐘左右飲品就先嚟到，有益力多沙冰，飲落去酸酸甜甜咁幾開胃，而且唔會太甜
另一杯就係芒果沙冰，份量都幾多，食落去好清新，可以解膩，打邊爐飲就啱晒，不過飲品最好遠離火鍋，因為沙冰溶得都幾快
之後椰子雞煲就準備好，店員仲細心過我哋落雞件，等到火鍋出晒水蒸氣，一打開個蓋，就已經聞到好濃郁嘅椰子香味，就算夾裏面嘅雞件黎食，一咬落去都食到椰子嘅味道，同雞都幾配合，肉質幼嫩，煮得啱啱好
之後有魚片頭，每一舊都好大粒，而且食落去幾彈牙，又有魚味
跟住有滑雙拼，其實係墨魚滑加蝦滑，整開之後都有好多舊，淥左一陣間已經熟晒，彈牙之餘又有咬口，仲食到有一粒粒蟹籽添
呢一個係幼薯粉，睇落唔係好多，但當放落火鍋淥熟之後就發晒出嚟，幾個人食都足夠，薯粉食落煙韌，都容易咬斷，而且食完都開始覺得飽
最後我哋仲有要粟米餃，真係幾皮薄餡靚，因為一淥熟拎上黎既時候已經見到個皮透明到見到裡面既配料，充滿住豬肉同粟米，食落粟米脆卜卜，有水份
埋單幾個人食加埋六百都唔洗，真係食到好飽！！
張貼
