茴香 (已結業)

慶祝生日，網上見到呢間有泰國菜食既西餐廳，格調不錯，環境優美，網上又可以訂位，夠方便。當日只不過係平日夜晚，位置都爆滿，可見受歡迎程度，一定唔會簡錯餐廳。二人餐包左一個沙律吧，值得一讚係沙律吧既選擇好多，八款食物同埋六款醬料，食物質素絕對唔差，係好有誠意，$398既二人餐有呢啲質素，性價比十分高。套餐仲包左兩個湯，一款係泰式冬陰功湯另一款係椰子雞湯。泰式冬陰功湯-味道好泰式，而且十分足料，仲有一隻大大隻嘅蝦，正！椰子雞湯-椰子味好重，但都唔會遮左雞嘅味道，最重要嘅係佢冇好重嘅雞油喺面度，推介！主食揀咗一個泰式咖喱軟殼蟹漢堡，軟殼蟹超大隻，係我食過軟殼蟹漢堡入邊最大隻嘅一個，呢間餐廳真係超級有誠意，良心。另外咖喱淋上漢堡嘅上面，又有另一種唔同嘅風味，真係好好食。另一個主食揀咗黑松露鮮菌炒意粉配肉眼牛扒，牛味好重，肉汁鮮嫩，唔會係雪藏嘅，唔好以為意粉係牛扒嘅配菜就一定好普通，絕對唔係，黑松露味十分之重，好有質素。因為呢間係有泰國嘅元素，所以特意叫多咗一個馬拉盞炒通菜，好嘢味，同正宗嘅泰國餐廳無異，但係價錢就比正宗泰國餐廳平。泰式芒果糯米飯配是日蛋糕，呢種咁嘅配搭我都係第一次試，糯米飯係熱辣