泰海鮮 (已結業)

疫情嚴重番，有時同朋友真係見得就見，唔係不知幾時先有機會相聚得，本身朋友想去食下自助餐，不過疫情關係，都係費事，結果，朋友榮休之喜想慶祝，話不如去三聖食海鮮。都成大半年無去，本身我想食容龍，但出奇地朋友話竟然訂唔到位，於是都係去返三聖邨。又係泰海鮮，無辦法，唔貴又好食，一定會選擇呢間。次次都叫海鮮湯，啲料足到一個點，我有個朋友話可以用呢個送飯，瀨尿蝦隻隻都大，勁多蜆，又有魚，講真真係平，個湯真係幾好飲。以前食豉油皇鮑魚，上次有用個煲上，但係今日無，少左一點鑊氣，但味道還是這樣好，鮑魚煮得又淋又滑，我覺得唔錯，但係手法轉左唔知係咪個廚房都轉唔。上次都同樣有叫呢個泰式香茅瀨尿蝦，本身想叫油鹽水整瀨尿蝦，但朋友話去到泰海鮮一定要食返啲泰式食品，於是就食呢個，今晚嘅瀨尿蝦好大隻，大大條膏，好得。我個朋友好鍾意食辣，當然會叫煮花螺，平時喺呢度食煮花螺辣到跳舞，但係今日個感覺溫和咗，唔知係咪平日夜晚嘅關係，成個廚房嘅風格好似都有少少唔同咗。老友話想食大閘蟹，但係呢度係冇嘅，於是焗奄仔蟹，頂住癮先，勁多羔！黑椒薑蔥桶蠔煲都不錯，隻隻都好夠份量兼肥美，味道始終夠勁。最尾又係秋生必吃的白酒忌廉煮花甲烏冬