加藤屋 (元州街) (已結業)

好耐無食牛肉飯，自從凶野家被Black list 之後。江湖間傳來有一間聞名四海的餐廳亦有牛肉飯食。於是決定會一會，價錢唔算特別抵食，但下午茶好似幾抵。飲翻杯雪碧順一順條氣，夠氣，無溝水，果然有良心。牛肉飯加大版，真係好大份，差d食唔晒。但唔可以做大嘥鬼，好味必定食得晒。珍珠米大大粒又飽滿，食落香軟，有口應，無得頂。另外，可以追加一個小食，可以出多一分力肯定不遺餘力，只係10蚊。呢兩隻蝦非常好食，香脆可口，正到痹。最後大合照。快靚正。