影片
更多
2023-11-23
88 瀏覽
住附近加上特別愛食川菜，經常四圍發掘好西！今次就俾我搵到呢間川菜店，位置唔算起眼，夜晚去見佢有套餐就叫左一份黎試下。酸菜魚套餐 $428★★★★☆佢成個套餐包含水煮魚／菜魚一份，一款涼菜，兩款小菜(任選)，所以計番都有４個菜！黎到份量真心多，連小菜涼菜都係大SIZE，有啲嚇親，而最尾兩個人都食唔哂要打包！🔥酸菜魚雖然套餐但份量超級足料，叫左多酸小辣，湯底夠哂濃郁，唔太油膩。魚片比較大塊啲，真係咬落啖啖肉。魚肉份量多夾極都有，魚片基本上冇骨夠嫩滑，冇腥味泥味，而魚都入味夠酸。配料亦唔少，有齊萵筍、金菇、芽菜、闊薯粉，呢個份量真係2-3個女仔都冇問題。🔥涼拌皮蛋大碟涼菜，份量仲多過譚仔，起碼有3-4隻皮蛋，個醬汁偏向酸辣味多啲，欣賞佢落生蒜粒，唔係一樽蒜泥，加埋蔥、香菜更加惹味！皮蛋底下面仲有鋪左啲青瓜絲，食完都冇咁膩！🔥黃金四季豆乾煸四季豆食得多，今次叫啲新野試下。同我預想中唔同，以為係咸蛋黃醬爆炒，原來係將每條四季豆裹滿蛋黃醬再油炸，個樣勁似細個薯片個啲咁。但個味道幾唔錯，唔會太油，外面層脆粉仲係香脆帶啲咸蛋香味，內裹就爽淋，口感幾特別。🔥沙拉骨又係份量多，新鮮炸好再撈埋沙律醬，咸甜帶
酸菜魚套餐 $428
★★★★☆
佢成個套餐包含水煮魚／菜魚一份，一款涼菜，兩款小菜(任選)，所以計番都有４個菜！黎到份量真心多，連小菜涼菜都係大SIZE，有啲嚇親，而最尾兩個人都食唔哂要打包！
🔥酸菜魚雖然套餐但份量超級足料，叫左多酸小辣，湯底夠哂濃郁，唔太油膩。魚片比較大塊啲，真係咬落啖啖肉。魚肉份量多夾極都有，魚片基本上冇骨夠嫩滑，冇腥味泥味，而魚都入味夠酸。配料亦唔少，有齊萵筍、金菇、芽菜、闊薯粉，呢個份量真係2-3個女仔都冇問題。
🔥涼拌皮蛋大碟涼菜，份量仲多過譚仔，起碼有3-4隻皮蛋，個醬汁偏向酸辣味多啲，欣賞佢落生蒜粒，唔係一樽蒜泥，加埋蔥、香菜更加惹味！皮蛋底下面仲有鋪左啲青瓜絲，食完都冇咁膩！
🔥黃金四季豆乾煸四季豆食得多，今次叫啲新野試下。同我預想中唔同，以為係咸蛋黃醬爆炒，原來係將每條四季豆裹滿蛋黃醬再油炸，個樣勁似細個薯片個啲咁。但個味道幾唔錯，唔會太油，外面層脆粉仲係香脆帶啲咸蛋香味，內裹就爽淋，口感幾特別。
🔥沙拉骨又係份量多，新鮮炸好再撈埋沙律醬，咸甜帶酸，超好餸飯！特別係我超愛有骨嘅菜式，帶骨嘅肉係特別好食！真係大人細佬都啱食嘅一道菜式。
🌟總括：套餐超級抵食，份量大份，3個人食都冇問題，味道好味，性價比真係超級唔錯！絕對會再去幫襯！
張貼
