羅勒印度餐廳 (七姊妹道)

營業中

休息中

*此餐廳收取加一服務費。串燒羊肉串（單點$140），一上枱已經聞到香噴，食落類似羊肉香腸，無羶味，配以薄荷汁、酸甜汁食用，味道更佳。大辣薯仔香辣牛肉（單點$106），牛肉肉質腍身，辣度7分，食落好惹味，薯仔口感軟綿。酸奶醬配脆餅（單點$78），倒入羅望子酸汁至脆餅，酸奶醬、酸汁兩種不同酸味，令脆餅、餡料食落好清爽，不過羅望子酸汁無須落太多。印度香料炒飯（單點$54），印度米口感獨特，食落類似切碎咗嘅米粉，內有紅蘿蔔絲、紅椒絲，咖喱粉味道淡香，食落好香口。玫瑰牛奶（單點$40），表面鋪有奶泡，玫瑰味道淡香，味道香甜。凍香料奶茶（單點$30），口感細滑，香料味道獨特，茶味濃香。