影片
更多
2014-07-22
1549 瀏覽
做完義工，4點離開屯門，去邊好呢？熱左大半日，又係下午茶時間，即刻諗起元朗既貓山皇。想食好耐，一直都心郁郁想試究竟有幾榴槤。對上一次食榴槤已經係幾個月前去發記甜品。搭輕鐵去元朗，好少黎li邊既我地好似去郊遊咁 原來都幾方便, 而且貓山皇同輕鐵站都幾近，好快就到啦。大大個黃色門口，好搶眼。用貨櫃做主題好特別。店入面用個藍色貨櫃做一邊既牆，幻想自己坐喺貨櫃入面歎啱啱由馬來西亞運到既貓山皇。未行到去門口，已經聞到榴槤飄香 等位既同時，隔住玻璃睇人整夾餅，睇到流哂口水。榴槤雪糕只限外賣，夢幻榴槤雪糕就只限堂食。其實除左配料同乾冰gimmick，都係同一個雪糕。於是我地買左杯外賣榴槤雪糕，邊等邊食 天時暑熱，一放入口第一個感覺係透心涼，隨之而黎係濃郁而清新既榴槤味，好食到難以形容食完雪糕，好期待入去試其他甜品。等左陣終於都有位啦！兩個人望住個menu，樣樣都好想試，選擇困難。先係夾餅，煎得好靚。入面放滿榴槤肉。夾餅微暖，好脆，有蛋香而唔甜，唔會同榴槤既甜味相撞。榴槤肉好香好甜好稔，簡直係食緊真正既榴槤。份量好足，絕無欺埸，多到咬落去會唧出黎。喜歡榴槤既朋友必試！對吉士蛋糕有點猶疑，最後都係決定
大大個黃色門口，好搶眼。用貨櫃做主題好特別。店入面用個藍色貨櫃做一邊既牆，幻想自己坐喺貨櫃入面歎啱啱由馬來西亞運到既貓山皇。
未行到去門口，已經聞到榴槤飄香 等位既同時，隔住玻璃睇人整夾餅，睇到流哂口水。榴槤雪糕只限外賣，夢幻榴槤雪糕就只限堂食。其實除左配料同乾冰gimmick，都係同一個雪糕。於是我地買左杯外賣榴槤雪糕，邊等邊食
天時暑熱，一放入口第一個感覺係透心涼，隨之而黎係濃郁而清新既榴槤味，好食到難以形容食完雪糕，好期待入去試其他甜品。等左陣終於都有位啦！兩個人望住個menu，樣樣都好想試，選擇困難。
先係夾餅，煎得好靚。入面放滿榴槤肉。
夾餅微暖，好脆，有蛋香而唔甜，唔會同榴槤既甜味相撞。榴槤肉好香好甜好稔，簡直係食緊真正既榴槤。份量好足，絕無欺埸，多到咬落去會唧出黎。喜歡榴槤既朋友必試！
對吉士蛋糕有點猶疑，最後都係決定試下。賣相唔錯，海綿蛋糕同榴槤一層一層間開，最上面有火槍燒過既蛋白糖同果醬，但味道普通，同其他相比冇乜榴槤味，海綿蛋糕可以更鬆軟。如果怕榴槤味太濃又想試下，吉士蛋糕或者可以當係入門。
拿玻崙又係另一出色之作。
榴槤蓉多到，我地只能讚嘆 餅皮幾脆，而且鋪左焦糖。脆度就夠哂，如果可以鬆化Ｄ就更好。榴槤蓉味道同榴槤肉一模一樣，唔同既係佢好滑，似好厚既cream，極出色
最後係泡芙，一對泡芙好可愛。
入面係一球冰凍既榴槤，有點似雪葩，好好食。不過泡芙麻麻地，唔脆又唔鬆，食落有點嚡，破壊左成個口感。成個experience好夢幻 遠遠就聞到榴槤味，雪糕light，夾餅黏同rich，拿破崙creamy，泡芙冰涼，各有不同既口感，共通之處係全部都有好濃鮮甜榴槤味 雖然吉士蛋糕麻麻地，但總算滿足左我既好奇心。好想試埋其他，但我地講好左要限住只可試５樣，唯有下次再黎啦。臨走前，友人係咁話要食多杯雪糕，為左我地既晚餐著想，最後都係比我阻止左
張貼
