影片
更多
2014-07-30
1942 瀏覽
由細就中意食榴槤, 可能係呀媽教導有方 我承認榴槤係有一種強烈的味道, 不過對中意食榴槤既我黎講呢, 呢種係香味!!! 一早知有貓山皇呢間專食榴槤既舖頭, 仲要賣雪糕添, 真係想去好耐架喇!今日同呀媽周圍覓食就終於有機會一試喇! 落左輕鐵站, 過條馬路再向前行100米就已經大大個「貓山皇」係右手邊!!! 仲開始聞到榴槤香 下午5點黎到, 店入面只係坐左一半既客人, 所以唔洗等位就可以準備買野食!呢度裝修都幾特別, 有2個貨櫃係度, 新潮得黎環保~ 面積唔算大, 只係有大約5-6張枱, 不過勝在陽光充沛, 所以都帶比人一種期待既感覺! 先坐低揀野食, 然後到收銀處比錢, 之後就可以返埋位等野食喇! 望住呢個打晒星既menu黎叫野食! 叫5粒星既實無死啦今日天氣比較熱, 口渴既我地嗌左杯榴槤奶昔飲住先... 呢杯奶昔真係無限好味! 一飲已經成個口都係濃濃榴槤味, 而且仲係滑溜溜, 味道之濃好似真係食緊榴槤! 飲到停唔到口, 媽媽仲一滴都唔放過! 一場黎到點會唔食招牌榴槤雪糕! 原來諗住食完其他甜品就外賣邊行邊食, 不過見到menu有個夢幻榴槤雪糕, 名都夠吸引仲要只限堂食, 所以就叫
落左輕鐵站, 過條馬路再向前行100米就已經大大個「貓山皇」係右手邊!!! 仲開始聞到榴槤香 下午5點黎到, 店入面只係坐左一半既客人, 所以唔洗等位就可以準備買野食!
呢度裝修都幾特別, 有2個貨櫃係度, 新潮得黎環保~ 面積唔算大, 只係有大約5-6張枱, 不過勝在陽光充沛, 所以都帶比人一種期待既感覺! 先坐低揀野食, 然後到收銀處比錢, 之後就可以返埋位等野食喇!
望住呢個打晒星既menu黎叫野食! 叫5粒星既實無死啦
今日天氣比較熱, 口渴既我地嗌左杯榴槤奶昔飲住先... 呢杯奶昔真係無限好味! 一飲已經成個口都係濃濃榴槤味, 而且仲係滑溜溜, 味道之濃好似真係食緊榴槤! 飲到停唔到口, 媽媽仲一滴都唔放過!
一場黎到點會唔食招牌榴槤雪糕! 原來諗住食完其他甜品就外賣邊行邊食, 不過見到menu有個夢幻榴槤雪糕, 名都夠吸引仲要只限堂食, 所以就叫左呢個喇! 一黎到果然好夢幻, 加左d乾冰係杯入面製造煙既效果, 睇落好似人間極品呀! 而且仲有果仁碎同爆爆珠, 外加一條脆餅, 為雪糕帶黎多一點口感! 講返個雪糕, 入口又香又滑, 陣陣榴槤香係口腔飄盪, 真係食唔停手! 而且完全無甜到漏既感覺, 真係食幾多都得! xd
最後仲叫左個榴槤夾餅, 雖然樣子平平無奇, 不過裡面擺滿榴槤肉! 放凍少少後外面塊夾餅變到脆卜卜, 而入面既榴槤肉就軟綿綿, 一脆一軟口感非常唔錯! 仲食到滿口榴槤肉, 令人唔捨得食完...為左卡路里著想, 今次就食住咁多先, 不過香噴噴既貓山皇實在令人榴槤忘返..... i will be back!
張貼
