三姐松記糖水 (已結業)

今晚約了朋友在附近食晚飯但又無咁早，一於在附近食糖水先再食晚飯，反正食甜品有兩個胃，無分幾時食，原來我的諗法無錯，入到去都幾多人食甜品。店內環境不錯，枱與枱之間闊落，坐得舒適。三姐松記的甜品選擇非常多，有凍食、有熱食、有傳統的紅豆沙芝麻糊湯圓、也有新派的心太軟等、還有雞翼等鹹點，啱晒不同人的口味。我叫了一個令人喜惡分明的榴槤處處，榴蓮處處好似出奇蛋咁，一次過滿足晒我三個願望。D24榴槤紫米露，有一些榴槤肉，又甜又美味，紫米露的質感不杰身亦不過甜。D24榴槤班戟，忌廉與榴槤肉的比例唔錯，榴槤肉又香又甜又美味，榴槤肉份量亦多。榴槤雪糕，啖啖榴槤味，將榴槤整成雪葩般，好清新。整個甜品的配搭好好，絕對推介比鐘意食榴槤的人。另外叫了特盛宇治芋圓仙草凍，份量好慷慨。仙草凍是長方形，甘甜美味，也滑溜。芋圓、地瓜圓、紫薯圓估唔到的出色，煙韌得來又易咬開，更估不到芋圓入面真的有少少芋頭絲，真係食得出芋頭味，地瓜圓也食到香濃的蕃薯味，而紫薯圓亦有紫薯香軟味，做得真的出色。配上甜美的紅豆、綠茶雪糕及香滑的牛乳。整個甜品都配搭得好好。另外再叫了一個甘露配雪糕，芒果香甜，好多芒果肉，西米粒粒分明，配上凍冰冰的雲