紅茶 (已結業)

我從來都未食過紅茶呢間茶餐廳，但係之前經過好多次，每一次經過，都俾佢玻璃櫃裏面嘅榴槤蛋糕深深吸引，個榴槤蛋糕造型好特別，真係成個榴槤咁樣，好可愛，大大件，好似好好食咁，但係以往經過，每一次我都太飽啦，今日終於留返少少quota，就係為咗食佢嗰個榴槤蛋糕。我選擇咗堂食，原來冇加一，仲將舊蛋糕放喺隻碟度，加左水果如士多啤梨、朱古力醬、棉花糖等裝飾，整得好靚，好吸引，好有心思😍😍😍咁我開餐啦😋😋😋榴槤蛋糕表面鋪左一層薄薄地嘅朱古力粉，之後係一層榴槤忌廉，裏面係海綿蛋糕，其實食落都有啲膩滯，最好配杯濃茶或檸檬茶，榴槤味其實唔係太重，但係心思同賣相滿分。