榴蓮王 (已結業)

榴槤一向係最愛❤️，難得今日遇到同好，所以特登行咗過去油麻地，去拜訪榴槤王。榴槤王除咗做外賣，門口有張枱，可以買完坐喺度食。之前喺大陸食過一次榴槤Pizza ,一直念念不忘，估唔到呢間鋪頭都有得賣，但係今日晚餐食太飽啦，下次再試過。姐姐介紹佢哋嘅白雪餅好出名，所以都整返個貓山王榴槤白雪餅＄28 ,我哋喺門口戶外座位度等緊嘅時候，一路聞到有榴槤飄出來嘅味道，勁香呀！等左10分鐘左右，姐姐仲好細心特登幫我地切開，入邊勁多榴槤肉，咬開嘅時候榴槤肉好香好滑，果然係貓山王！我仲點左一杯牛油果芒果奶昔＄28 ,好重奶香味，真係飲得出牛油果同芒果味道，好有層次感，飲完一杯真係勁飽。就嚟中秋節，見佢哋都有買榴槤月餅，就走咗過去八卦一下，姐姐都比我試咗一小舊，外皮勁薄，重點係入邊超多榴槤肉，＄388/6個貓山王榴槤月餅又唔貴喎，我聽朋友講出邊都賣緊七百幾蚊，等我遲啲都買返盒過節先。