漁牧 (已結業)

嘩，超耐冇出去搵食啦，趁住我妹生日就去左漁牧食飯！入到去冇咩人，可能星期一既關係。禁幾好呀，靜靜地，可以傾下。噢，不過30分鐘後黎左枱人嘈到呢…野食方面：叫左個榴槤雞煲($298)，好有榴槤香味，亦都食到幾舊榴槤。不過呢，雞既分量有點兒小…所以食完後，叫侍應哥哥加水再打邊爐，點左牛肉呀、丸呀、薯粉呀個啲火鍋配料，不過都係唔夠食！可能我地一家好大食既關係，再點多個酸辣魚！條魚唔算多骨，有少少辣加多多酸，味道唔錯，怕辣既朋友都可以食到！魚底下有好多薯粉呀，吸收晒湯既精華，超正。終於食飽飽lu…其實野食方面係唔錯既，可惜服務真係麻麻啦！叫侍應哥哥換碟、拎餐具、加水等等，都起碼需要叫5次，而佢又唔係好想理你禁…唉，我都明有時好忙，但服務都好重要架！p.s.呢度飲水都要收錢，都係叫一jar飲品，一齊share抵啲啦。4個人食，平均每人都二百幾，唔係平價菜式！