發記甜品 (已結業)

同朋友係朗豪坊食完飯, 想食個飯後甜品, 見地道既港式糖水舖發記門口都未係好多人排隊, 就入左去食.可能太耐冇食港式糖水, 而家旺角發記裝修得幾摩登, 夠光猛, 而且乾淨左好多, 餐具枱凳都算新淨. 坐位都係少少迫, 但我都理解旺角串金尺土, 不過女仔坐既話一定冇問題.見倒佢餐牌既熱門推介係榴槤飄香小丸子$58, 見格黎枱果碗好似幾正咁, 想試下食港式榴槤糖水, 就膽粗粗叫左黎食! 榴槤飄香小丸子真係幾好味! 整碗糖水既味道唔太甜, 而且裡面真係有幾舊榴槤肉, 絕對唔係"榴槤製品"! 雖然榴槤味唔太重, 但我覺得以價錢黎講已經叫有誠意! 丸子偏林, 未算彈牙但係都有少少咬口, 加埋上面既西柚粒一齊食, 感覺都幾OK! 好可惜個糖水唔係好夠凍, 好似放左係室溫一陣先送餐, 感覺唔係好新鮮. 另外, 我覺得整個糖水奶味比較重, 因為本身佢唔係用重味既榴槤, 幾舊感覺唔係好夠喉, 如果榴槤肉再多點, 味道會更均衡!總結黎講, 我覺得用餐經驗唔錯, 以$58可以食倒真既榴槤肉, 今次我會比個笑臉佢! 其實榴槤糖水好多港式糖水店都有, 發記既榴槤飄香小丸子其實同其他店整既其實幾相類似, 未見突出